ការប្រកួតប្រជែងចំណេះដឹងទូទាងពិភពលោកក្រោមប្រធានបទការចាប់អារម្មណ៍និងស្វែងយល់ពីភាគពាយ័ព្យប្រទេសចិនឆ្នាំ ២០១៣ គឺរៀបចំឡើងដោយការិយាល័យព័ត៌មាននៃក្រុមប្រឹក្សាកិច្ចការរដ្ឋចិន វិទ្យុអន្តរជាតិចិន ក្នុងបំណងដើម្បីបង្ហាញពីវប្បធម៌ចិនដ៏ជ្រាលជ្រៅថែមមួយកម្រិតទៀត ក្នុងន័យបង្កើនការយល់ដឹងរបស់ប្រិយមិត្តអ្នកស្តាប់នៅបរទេសចំពោះវប្បថម៌ជនជាតិចិន និងជាការផ្តល់ជូនវេទិកាសម្រាប់បង្ហាញទេព្យកោសល្យនិងធ្វើការផ្លាស់ប្តូរ ។ការប្រកួតលើកនេះគឺ
ប្រារព្ធធ្វើចាប់ពីថ្ងៃទី ២៨ ខែសីហាដល់ថ្ងៃទី ១៥ ខែវិច្ឆិកាឆ្នាំ ២០១៣ ។តាមទិន្នន័យបូកសារុប មានប្រិយមិត្តអ្នកស្តាប់ទូទាំងពិភពលោកចំនួនជាង ២ សែន ៥ ម៉ឺននាក់បានចូលរួមការប្រកួតនេះ ហើយប្រិយមិត្ត៨រូបមកពីប្រទេសកម្ពុជា អាមេរិក អេស្ប៉ាញ ម៉ូរីតានី ជាដើមបានទទួលបានរង្វាន់ពិសេសនៃការប្រកួតចំណេះដឹងលើកនេះ ហើយបានអញ្ជើញមកទស្សនាប្រទេសរយៈពេល៥ថ្ងៃ។
ថ្ងៃទី ១៣ ខែធ្នូ ពិធីប្រគល់រង្វាន់បានបើកធ្វើនៅក្រុងប៉េកាំងប្រទេសចិន។
ខាងក្រោមនេះគឺជាអារម្មណ៍កថាទទួលរង្វាន់របស់លោក អេង កេងឈុន ប្រិយមិត្តអ្នកស្តាប់ប្រទេសកម្ពុជា៖
សួស្តីអ្នកទាំងអស់គ្នា!
ជាបឋមអនុញ្ញាតិឲ្យខ្ញុំបាទសូមគោរពនិងជម្រាបសួរដល់អស់លោក លោកស្រី និងប្រិយមិត្តរបស់វិទ្យុអន្តរជាតិចិន ក៏ដូចជាប្រិយមិត្តរបស់វិទ្យុមិត្តភាពកម្ពុជាចិនជាគោរពរាប់អានដ៏ខ្ពង់ខ្ពស់។ ក្នុងនាមជាប្រិយមិត្តរបស់វិទ្យុដែលបានឈ្នះនូវរង្វាន់ដ៏ពិសេសវិសេសនេះ ខ្ញុំពិតជាមានមោទនភាពក្រៃលែងដែលទទួលបាននូវការអញ្ញើញជាផ្លូវការក្នុងការបំពេញទស្សនកិច្ចនៅក្នុងប្រទេសចិននាពេលនេះ។
នេះគឺជាក្តីស្រម៉ៃមួយនៅក្នុងឆាកជីវិតរបស់ខ្ញុំដែលអាចរុញច្រានឲ្យក្លាយទៅជាការពិតបាននៅពេលនេះ។ ដូច្នេះ ខ្ញុំពិតជាមានមោទនភាពនិងក្តីរំភើបក្នុងចិត្តឥតឧបមា ដែលបានមកទស្សនាប្រទេសចិននារដូវត្រជាក់ចុងឆ្នាំ ២០១៣ នេះ។
តាមរយៈដំណើរទស្សនកិច្ចនេះ ខ្ញុំសង្ឃឹមថានឹងទទួលបាននូវព័ត៌មានដ៏ច្រើនសំបូរបែប ស្តីពីការអភិវឌ្ឍន៍រីកចម្រើន រុងរឿងរបស់ប្រទេសចិន ដើម្បីឲ្យខ្ញុំបាទយកព័ត៌មានទាំងអស់នេះទៅផ្សព្វផ្សាយក្នុងប្រទេសកម្ពុជា ដើម្បីជាទន់មួយក្នុងការគិតពិចារណា ពីការរីចម្រើនអស់ទាំងនេះ។
ជាទីបញ្ចប់ ខ្ញុំបាទជាជនកម្ពុជាមួយរូប សូមថ្លែងអំណរគុណដ៏ជ្រាលជ្រៅដល់វិទ្យុអន្តរជាតិចិនតាមរយៈវិទ្យុមិត្តភាពកម្ពុជាចិនភ្នំពេញដែលបានផ្តល់ឱកាសមាសនេះមកដល់រូបខ្ញុំ។ ខ្ញុំសូមជូនពរដល់ថ្នាក់ដឹកនាំវិទ្យុក៏ដូចជាសហការីទាំងអស់សូមជួបប្រទះតែនឹងសេចក្តីសុខ សុភមង្គល ជោគជ័យ លើគ្រប់វិស័យក្នុងការបំរើប្រទេសជាតិ។សូមអរគុណ៕
