អារម្មណ៍​កថា​ទស្សនា​ក្រុង ស៊ីតនីង ​ខេត្តឈីងហាយ ​ប្រទេស​ចិន​(ថ្ងៃ​ទី ​១៤ ​ធ្នូ ​២០១៣) ​របស់​លោក អេង កេងឈុន ​ប្រិយមិត្ត​អ្នកស្តាប់​ទទួល​បាន​រង្វាន់ពិសេស​នៃ​ការប្រកួត​ចំណេះ​ដឹង​ទូទាំង​ពិភពលោក​ក្រោម​ប្រធានបទ​"ស្វែង​យល់​ពី​ប្រទេស​ចិន"
2013-12-16 17:00:25  cri  Web Editor:Xu

    សួស្តីលោកអ្នកនាងស្តាប់ជាទីគោរព !

      សម្រាប់​ថ្ងៃ​សៅរ៍​ចុង​សប្តាហ៍​ទី​១៤​ ខែ​ធ្នូ​ ឆ្នាំ​ ២០១៣ ​ខ្ញុំ​អេង​ កេង​ឈុន ​មាន​ឱកាស​បាន​មក​បំពេញ​ទស្សនកិច្ច​នៅ​តំបន់​ឈីងហាយ​នៃ​ប្រទេស​ចិន​។ ​មក​ដល់​ទី​នេះ​ភ្លាម​ ខ្ញុំ​បាទ​ជា​ជនជាតិ​កម្ពុជា​ធ្លាប់​តែ​រស់​នៅ​តំបន់​ដែល​មាន​អាកាសធាតុ​ត្រឹម​តែ​ក្តៅ​ហើយ​សើម​តែ​ប៉ុណ្ណោះ​ ប៉ុន្តែ​ទី​នេះ​មិន​ថា​តែ​រូប​ខ្ញុំ​នោះ​ទេ​ ខ្ញុំ​ជឿ​ថា​ជនជាតិ​ណា​ក៏​ដោយ​ដែល​ពុំ​ធ្លាប់​ជួប​ប្រទះ​នូវ​អាកាសធាតុ​និង​ទេសភាព​បែប​នេះ​ គឺ​ពិបាក​និង​ពោល​ពាក្យ​ថា​ មិន​ស្រឡាញ់​មិន​ចូល​ចិត្ត​ជា​ដាច់​ខាត​ ។​ចម្ងាយ​ជាង​ ២០០០​ គ.ម.​ពី​ទីក្រុង​ប៉េកាំង​ គឺ​ខេត្ត​ឈាងហាយ​ែដល​ស្ថិត​នៅ​លើ​តំបន់​ខ្ពង់​រាប​ឈីងហាយ​និង​ទីបេត៍​។​ ទី​នេះ​ហើយ​ជា​ប្រភព​នៃ​ទន្លេ​យ៉ង់សេ​ ទន្លេ​លឿង​ និង​ទន្លេ​ឡានឆាង​ ។​បើ​តាម​ការ​ស្មាន​របស់​ខ្ញុំ​ សីតុណ្ហភាព​នៅ​ទី​នេះ​អាច​ ១០ អង្សា​ក្រោម​សូន្យ ​ហើយ​នៅ​តាម​បណ្តោយ​ផ្លូវ​និង​លើ​តំបូល​អាគារ​ ឬ​ដំបូល​ផ្ទះ​ គឺ​សុទ្ធ​តែ​ព្រិល​ស​ក្បុស​ ដែល​នេះ​គឺ​ជា​ចំណាប់​អារម្មណ៍​របស់​ប្រជាជន​មិន​ថា​តែ​កម្ពុជា​នោះ​ទេ​ គឺ​ភាគ​ច្រើន​អ្នក​ដែល​ពុំ​ធ្លាប់​ឃើញ​ព្រិល​នោះ​ គឺ​ពិត​ជា​មាន​ចំណាប់​អារម្មណ៍​ចង់​មក​ទស្សនា​ជាក់​ជា​ពុំ​ខាន​។ 

     ក្រៅ​ពី​នោះ​ នៅ​ក្នុង​ខេត្ត​ឈាងហាយ​នេះ​ក៏​មាន​ព្រះវិហារ​អ៊ីស្លាម​ដ៏​ធំ​មួយ​ក្នុង​ចំណោម​ព្រះវិហារ​អ៊ីស្លាម​នៅ​តំបន់​ភាគ​ពាយ័ព្យ​នៃ​ប្រទេស​ចិន​ គឺ​ព្រះវិហារ​អ៊ីស្លាម​ឈ្មោះ​តុងក្វាន​ ។​ព្រះវិហារ​អ៊ីស្លាម​មួយ​នេះ​មាន​ចំណាស់​ជាង ​៦០០​ ឆ្នាំ​ហើយ​ ដែល​គេ​បាន​អភិរក្ស​ទុក​ពោល​គឺ​តាំង​ពី​ជំនាន់​ស្តេច​សុង​ខាង​ជើង​មក​ម្លេះ​ ។​នេះ​ស​បញ្ជាក់​ឲ្យ​ឃើញ​ថា​ ប្រទេស​ចិន​ពិត​ជា​មាន​សុដុមនីយកម្ម​សាសនា​យ៉ាង​ពិត​ប្រាកដ​។

    ដោយ​សារ​តែ​ពេល​វេលា​ខ្លី​ ខ្ញុំ​សូម​ជម្រាប​ជូន​លោក​អ្នក​នាង​ស្តាប់​ត្រឹម​តែ​ប៉ុណ្ណោះ​សិន​ចុះ​។ ពេល​ក្រោយ​ ខ្ញុំ​នឹង​លើក​យក​នូវ​តំបន់​ទេសចរណ៍​ផ្សេង​មក​ជម្រាប​ជូន​ជា​បន្ត​។ សូម​ជូនពរ​ប្រិយមិត្ត​សំណាង​ល្អ !
ទាក់ទង​ជាមួយ​យើង​ខ្ញុំ