ថ្នាក់ដឹកនាំ​បរទេស​ដែល​អញ្ជើញ​ចូលរួម​វេទិកា​អាស៊ី​ក្រុងប៉អៅ​បាន​កោតសរសើរថា ​គោលនយោបាយ​កំណែទម្រង់​និងបើកទូលាយ​របស់​ប្រទេសចិន​ជាដំណឹងល្អ​សម្រាប់​ពិភពលោក​
2018-04-11 15:24:45  cri  Web Editor:Sun

សន្និសីទ​ប្រចាំឆ្នាំ​២០១៨នៃ​វេទិកាអាស៊ី​ក្រុងប៉អៅ​បាន​​បើកធ្វើ​នៅក្រុងប៉អៅ​ ខេត្តហៃណាន​ប្រទេសចិន​នៅថ្ងៃទី១០​ខែមេសា ​។ ​លោក​ប្រធានរដ្ឋចិន​ស៊ីជីនភីង​បាន​អញ្ជើញ​ចូលរួម​ពិធី​បើកសន្និសីទ​និងថ្លែង​សុន្ទរកថា​គន្លឹះ​ផងដែរ ។ ​បន្ទាប់ពី​បញ្ចប់​សុន្ទរកថា​ ថ្នាក់ដឹកនាំ​បរទេស​ដែល​អញ្ជើញ​ចូលរួម​ពិធីនេះបាន​បង្ហាញថា ​គោលនយោបាយ​មួយចំនួន​ស្តីពី​ការពង្រីកកំណែទម្រង់​​​របស់​ប្រទេសចិន​គឺឲ្យ​មកនូវ​ភាពសប្បាយរីករាយ​ ប្រទេសចិន​បន្តជំរុញ​កំណែទម្រង់​និងបើកទូលាយ​យ៉ាងមុតមាំ​នឹង​ផ្តល់​ផលប្រយោជន៍​ដល់​ពិភពលោក​ ហើយជំរុញ​ពិភពលោក​ឲ្យ​អភិវឌ្ឍ​និង​មានវិបុលភាព​ជាមួយគ្នា​ផងដែរ ។

លោក ​Antonio​ Guterres​ អគ្គលេខាធិការ​នៃ​អង្គការ​សហប្រជាជាតិ​បាន​ថ្លែងថា ​សន្និសីទ​ប្រចាំឆ្នាំនៃ​វេទិកាអាស៊ី​ក្រុងប៉អៅលើក​នេះបាន​បង្ហាញឲ្យ​ឃើញ​នូវ​កម្លាំងរស់រវើក​ដែល​កើនឡើង​ឥតឈប់ឈរ​និងស្មារតី​សុទិដ្ឋិនិយម​របស់អាស៊ី ​ហើយ​ក៏បាន​បង្ហាញឲ្យ​ឃើញនូវ​ការខិតខំប្រឹង​ប្រែងរបស់​យើងដើម្បី​បង្កើត​សហគមន៍​រួមវាសនា​តែមួយ​របស់​មនុស្សជាតិ​ផងដែរ ។

លោក ​Duterte​ ប្រធានាធិបតី​ហ្វីលីពីន​បាន​ថ្លែងថា​ ការជំរុញឲ្យ​ទ្វីបអាស៊ី​និងពិភពលោក​​​កាន់តែមាន​វិបុលភាព​គឺជា​ផលប្រយោជន៍​រួមរបស់យើង ​ហើយក៏ជា​ករណីយកិច្ច​រួម​របស់យើង​ដែរ ។ ​ប្រទេសនានា​គប្បីបង្កើន​កិច្ចសហប្រតិបត្តិការ​ដើម្បី​សម្រេច​ក្តីសុបិន​ដែលមាន​វិបុលភាព​និងមាន​រុងរឿង​ជាមួយគ្នា ។

    លោក ​Lee​ Hsien​Loong​ នាយករដ្ឋមន្រ្តី​សិង្ហបុរី​បានថ្លែងថា​ ក្នុង​ឱកាស​ជាច្រើន ​ថ្នាក់ដឹកនាំ​របស់ចិនបាន​អធិប្បាយអំពី​គោលជំហរ​ដែលគាំទ្រ​ពហុភាគីនិយម​និង​ការបើកទូលាយ​​​ ធនាគារ​វិនិយោគ​​ហេដ្ឋារចនាសម្ព័ន្ធ​អាស៊ីនិង​គំនិតផ្តួចផ្តើម​ស្តីពីខ្សែក្រវាត់មួយ​និងផ្លូវមួយ​គឺជា​ការរួមចំណែក​ដ៏សំខាន់​ទាំងពីរ​ដែល​ប្រទេសចិន​បាន​ដើរតួនាទី​សម្រាប់​វិបុលភាព​ក្នុងតំបន់ ។
ទាក់ទង​ជាមួយ​យើង​ខ្ញុំ