ថ្ងៃទី ១០ ខែមេសា សន្និសីទប្រចាំឆ្នាំ២០១៨ នៃវេទិកាអាស៊ីក្រុងប៉អៅបានប្រារព្ធធ្វើពិធីសម្ពោធបើកនៅក្រុងប៉អៅខេត្តហៃណាន ប្រទេសចិន ។ លោក ស៊ីជីនភីង ប្រធានរដ្ឋចិនបានអញ្ជើញចូលរួមពិធីសម្ភោធបើកព្រមទាំងបានថ្លែងសុន្ទរកថាគន្លឹះផងដែរ ។
ថ្លែងក្នុងសុន្ទរកថា លោក ស៊ីជីនភីងបានធ្វើការអធិប្បាយប្រកបដោយកិត្តនុភាពអំពីវិធីសាស្ត្រដែលប្រទេសចិនជំរុញឲ្យកំណែទម្រង់និងការបើកទូលាយកាន់តែទូលំទូលាយ ក៏ដូចជាធ្វើឲ្យកំណែទម្រង់មានភាពកាន់តែស៊ីជម្រៅថែមទៀត ព្រមនិងប្រកាសពីគោលជំហររបស់ប្រទេសចិនអំពីការជំរុញថែមទៀតនូវការបង្កើតសហគមន៍រួមវាសនាតែមួយរបស់អាស៊ីនិងមនុស្សជាតិ និងត្រួសត្រាយអនាគតដ៏ល្អបវររបស់អាស៊ីនិងពិភពលោកផងដែរ ។
សន្និសីទប្រចាំឆ្នាំនៃវេទិកាអាស៊ីក្រុងប៉អៅលើកនេះបានប្រព្រឹត្តិទៅក្រោមប្រធានបទ"ទ្វីបអាស៊ីដែលបើកទូលាយនិងច្នៃប្រឌិតថ្មី ពិភពលោកដែលមានវិបុលភាពនិងការអភិវឌ្ឍ"ដែលបានទាក់ទាញភ្ញៀវកិត្តិយសមកពីគ្រប់មជ្ឈដ្ឋានចំនួន២០០០រូបលើពិភពលោកទាំងមូល ។ ក្រៅពីថ្នាក់ដឹកនាំនៃប្រទេសចិន ប្រធានាធិបតីអូទ្រីស ប្រធានាធិបតីហ្វីលីពីន នាយករដ្ឋមន្រ្តីម៉ុងហ្គោលី នាយករដ្ឋមន្រ្តីហុលឡង់ នាយករដ្ឋមន្រ្តីប៉ាគីស្ថាន នាយករដ្ឋមន្រ្តីសិង្ហបុរី អគ្គលេខាធិការអង្គការសហប្រជាជាតិនិងអគ្គនាយកនៃអង្គការមូលនិធិរូបិយវត្ថុអន្តរជាតិក៏បានអញ្ជើញចូលរួមសន្និសីទលើកនេះតាមការអញ្ជើញផងដែរ៕
