សន្និសីទប្រចាំឆ្នាំ ២០១៨ នៃវេទិកាអាស៊ីក្រុងប៉អៅបានសម្ពោធបើកធ្វើនៅខេត្តHainan ប្រទេសចិនកាលពីថ្ងៃទី ៨ ខែមេសា ។ រសៀលថ្ងៃដដែលនោះ លោកXiJinping ប្រធានរដ្ឋចិនបានជួបពិភាក្សាការងារជាមួយលោក Guterres អគ្គលេខាធិការអង្គការសហប្រជាជាតិនៅវិមានសភាប្រជាជនចិននៅក្រុងប៉េកាំង បន្ទាប់មកលោកបានរៀបចំពិធីបដិសណ្ឋារកិច្ចដើម្បីស្វាគមន៍ដំណើរទស្សនកិច្ចជាលើកដំបូងនៅប្រទេសចិនរបស់លោកប្រធានាធិបតីអូទ្រីសព្រមទាំងបានជួបពិភាក្សាការងារជាមួយគ្នាផងដែរ ។
លោកXiJinping បានសំដែងការស្វាគមន៍ចំពោះលោក Guterres ដែលទៅបំពេញទស្សនកិច្ចនៅប្រទេសចិនព្រមនឹងបង្ហាញវត្តមានក្នុងសន្និសីទប្រចាំឆ្នាំ ២០១៨ នៃវេទិកាអាស៊ីក្រុងប៉អៅផងដែរ ។ លោកXiJinping បានបញ្ជាក់ពីការគាំទ្រអង្គការសហប្រជាជាតិក្នុងការដើរតួនាទីរបស់ខ្លួន ថែមទាំងគាំពារកិត្យានុភាពនិងឋានៈរបស់អង្គការសហប្រជាជាតិផងដែរ ដែលនេះជាគោលនយោបាយការទូតជាមូលដ្ឋានមួយរបស់ប្រទេសចិន ។
បន្ទាប់ពីបញ្ចប់កិច្ចជំនួបជាមួយលោក Guterres លោកXiJinping បានជួបពិភាក្សាការងារជាមួយលោក Van der Bellen ប្រធានាធិបតីអូទ្រីសដែលទៅបំពេញទស្សនកិច្ចផ្លូវរដ្ឋនៅប្រទេសចិនជាលើកដំបូង ។
លោកXiJinping បានបញ្ជាក់ក្នុងកិច្ចជំនួបថា ប្រទេសអូទ្រីសជាដៃគូសហប្រតិបត្តិការសំខាន់របស់ប្រទេសចិននៅអឺរ៉ុប ។ រដ្ឋាភិបាលអាណត្តិថ្មីរបស់អូទ្រីសនឹងពង្រឹងនិងពង្រីកយ៉ាងសកម្មនូវទំនាក់ទំនងជាមួយប្រទេសចិននិងបន្ថែមខ្លឹមសារអំពីគំនិតផ្តួចផ្តើមស្តីពី " ខ្សែក្រវាត់មួយនិងផ្លូវមួយ" ទៅក្នុងកិច្ចព្រមព្រៀងកាន់អំណាចជាលើកដំបូង ។ ប្រទេសចិនសូមសំដែងការស្វាគមន៍ចំពោះរឿងនេះ ។ ប្រទេសយើងទាំងពីរអាចរួមគ្នាស្វែងជីកកកាយនិងបញ្ចេញសក្តានុពលសម្រាប់កិច្ចសហប្រតិបត្តិការរវាងប្រទេសទាំងពីរ ជឿជាក់ថា វាមុខជានឹងផ្តល់ផលប្រយោជន៍ដល់ប្រជាជននៃប្រទេសទាំងពីរបានកាន់តែល្អជាមិនខាន ។
