លោកស៊ីជីនភីងជួបពិភាក្សាការងារជាមួយលោកអគ្គលេខាធិការអង្គការសហប្រជាជាតិ

ថ្ងៃទី ៨ ខែមេសា លោកស៊ីជីនភីង ប្រធានរដ្ឋចិនបានជួបពិភាក្សាការងារជាមួយលោកAntonioGuterres អគ្គលេខាធិការអង្គការសហប្រជាជាតិនៅវិមានសភាប្រជាជនចិនក្រុងប៉េកាំង ។

លោកស៊ីជីនភីងបានគូសបញ្ជាក់ពីការគាំទ្រអង្គការសហប្រជាជាតិក្នុងការដើរតួនាទីរបស់ខ្លួន ការគាំពារអនុភាពនិងឋានៈរបស់អង្គការសហប្រជាជាតិ គឺជាគោលនយោបាយជាមូលដ្ឋាននៃកិច្ចការទូតរបស់ប្រទេសចិន ។ ប្រទេសចិនរីករាយចែករំលែកឱកាសនិងបទពិសោធន៍ក្នុងការអភិវឌ្ឍរបស់ប្រទេសចិនជាមួយពិភពលោក តែដាច់ខាតមិនបង្ខិតបង្ខំឲ្យអ្នកដទៃទទួលយកមាគ៌ា រូបមន្តនិងទ្រឹស្តីរបស់ខ្លួនទៅអនុវត្តនោះទេ ។

ជាការឆ្លើយតប លោកAntonioGuterresថ្លែងថា លោករីករាយណាស់ដោយបានអញ្ជើញមកបំពេញទស្សនកិច្ចនៅប្រទេសចិននិងចូលរួមសន្និសីទប្រចាំឆ្នាំនៃវេទិកាអាស៊ីក្រុងប៉អៅក្នុងឱកាសដែលប្រទេសចិនរំលឹកខួប ៤០ ឆ្នាំនៃការកំណែទម្រង់និងការបើកទូលាយ ។ លោកជឿជាក់ថារាប់ខិបឆ្នាំខាងមុខទៀត ប្រទេសចិននឹងមានឥទ្ធិពលកាន់តែខ្លាំងក្នុងកិច្ចការអន្តរជាតិ ៕