ថ្ងៃទី ៣ ខែមេសា ក្នុងសនិ្នសីទសារព័ត៌មានចិននិងបរទេសដែលរៀបចំធ្វើនៅក្រសួងការបរទេសចិន លោក វ៉ាងយី សមាជិកក្រុមប្រឹក្សាកិច្ចការរដ្ឋ និងជារដ្ឋមន្ត្រីការបរទេសចិនបានថ្លែងថា វេទិកាអាស៊ីក្រុងប៉អៅបានបង្កើតឡើងអស់រយៈពេល ១៧ ឆ្នាំមកហើយ ដែលមានទ្រង់ទ្រាយនិងឥទ្ធិពលកាន់តែធំឡើងៗ បានក្លាយជាស្ពានដ៍សំខាន់មួយសម្រាប់តភ្ជាប់ប្រទេសចិននិងពិភពលោក ក៏ដូចជាក្លាយជាវេទិកាផ្លាស់ប្តូរអន្តរជាតិប្រកបដោយលក្ខណៈពិសេសនៅទ្វីបអាស៊ីនិងមានឥទ្ធិពលលើពិភពលោកទាំងមូលផងដែរ ។
សន្និសីទឆ្នាំនេះនឹងធ្វើឡើងក្រោមប្រធានបទ "អាស៊ីដែលបើកទូលាយនិងច្នៃប្រឌិតថ្មី ពិភពលោកដែលមានភាពរុងរឿងនិងវឌ្ឍនភាព" ដែលនឹងអញ្ជើញភ្ញៀវកិត្តិយសគ្រប់មជ្ឈដ្ឋានជាង ២ ពាន់រូបនៃបណ្តាប្រទេសនានាឲ្យមកជួបជុំគ្នា ដើម្បីរួមគ្នាពិគ្រោះពិភាក្សាអំពីផែនការសហប្រតិបតិ្តការនិងឈ្នះ-ឈ្នះ និងរួមគ្នារិះរកគោលនយោបាយល្អសម្រាប់ការអភិវឌ្ឍនិងវិបុលភាព ក៏ដូចជាផ្តល់នូវតម្រិះប្រាជ្ញាប៉អៅនិងរួមចំណែកជាកម្លាំងប៉អៅដល់ទ្វីបអាស៊ីក៏ដូចជាពិភពលោកផងដែរ ៕
