តាមសេចក្តីផ្តួចផ្តើមនៃរដ្ឋាភិបាលវៀតណាម ថ្ងៃទី១០ ខែវិច្ឆិកា ឆ្នាំ២០១៧ កិច្ចសន្ទនាជាលើកដំបូងរវាងថ្នាក់ដឹកនាំសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកហៅកាត់ថាអង្គការAPECជាមួយសមាគមអាស៊ានបានរៀបចំធ្វើឡើងនៅទីក្រុងDaNangប្រទេសវៀតណាមក្នុងរយៈពេលបើកធ្វើសន្និសីទកំពូលអង្គការAPEC។ថ្នាក់ដឹកនាំដែលអញ្ជើញចូលរួមសន្និសីទលើកនេះបានពិគ្រោះពិភាក្សាលើកិច្ចសហប្រតិបត្តិការរវាងអង្គការAPECនិងអាស៊ានជុំវិញប្រធានបទសហប្រតិបត្តិការស្វែងរកកម្លាំងចលកថ្មី កសាងអាស៊ីប៉ាស៊ីហ្វិកដែលមានការតភ្ជាប់គ្នាគ្រប់ជ្រុងជ្រោយនិងសមាហរណកម្ម។សន្និសីទលើកនេះបានឈានដល់គំនិតឯកភាពដ៏ទូលំទូលាយស្តីអំពីកិច្ចសហប្រតិបត្តិការរវាងអាស៊ាននិងអង្គការAPECនិងជំរុញការតភ្ជាប់គ្នាក្នុងតំបន់ជាដើម។ថ្នាក់ដឹកនាំនៃប្រទេសឡាវ កម្ពុជា និងមីយ៉ាន់ម៉ាដែលមិនមែនជាសមាជិកអង្គការAPECក៏បានអញ្ជើញចូលរួមសន្និសីទលើកនេះផងដែរ៕
