ក្នុងអំឡុងពេលបើកសមាជបក្សកុម្មុយនិស្តចិនលើកទី១៩ លោក Htike Lwin Ko និស្សិតបន្តវិជ្ជាមីយ៉ាន់ម៉ានៅប្រទេសចិនរយៈពេល៧ឆ្នាំបានថ្លែងនៅពេលទទួលបទសម្ភាសន៍ពីអ្នកសារព័ត៌មានវិទ្យុអន្តរជាតិចិនថា លោកពិតជាមានសំណាងណាស់ដែលបានឆ្លងកាត់ការផ្លាស់ប្តូរមុខមាត់របស់ប្រទេសចិនក្នុងរយៈពេល៥ឆ្នាំកន្លងមកនេះ ។
លោក Htike Lwin Ko បានប្រាប់អ្នកសារព័ត៌មានថា លោកបានរៀនសូត្រនិងរស់នៅក្រុងប៉េកាំងជិត៧ឆ្នាំ ហើយបានឆ្លងកាត់ការបើកធ្វើសមាជបក្សកុម្មុយនិស្តចិនលើកទី១៨និងលើកទី១៩ ។ លោកបានឃើញផ្ទាល់ភ្នែកនូវការប្រែប្រួលគ្រប់បែបយ៉ាងដែលកើតនៅប្រទេសចិនក្នុងអំឡុងពេល៥ឆ្នាំកន្លងទៅនេះ ហើយលោកបានកោតសរសើរចំពោះការអភិវឌ្ឍយ៉ាងឆាប់រហ័សនិងសមិទ្ធផលដ៏មហិមារបស់ប្រទេសចិន ។
