ព្រឹកថៃ្ងទី២៤ ខែតុលានេះ សមាជបក្សកុម្មុយនិស្តចិនលើកទី១៩បានបិទបញ្ចប់សម័យប្រជុំនៅវិមានសភាប្រជាជនចិន។លោកស៊ីជីនភីង អគ្គលេខាធិការមជ្ឈិមបក្សកុម្មុយនិស្តចិនបានអញ្ជើញធ្វើជាអធិបតីនៃសន្និសីទលើកនេះ តំណាងបក្សនៃសមាជលើកទី១៩ ចំនួន២៣៣៦រូបបានអញ្ជើញចូលរួម។
សមាជលើកនេះបានអនុម័តលើសេចក្តីសម្រេចចិត្តស្តីពីរបាយការណ៍គណៈកម្មាធិការមជ្ឈិម អាណត្តិទី១៨ សេចក្តីសម្រេចិត្តស្តីពីរបាយការណ៍ការងាររបស់គណៈកម្មាធិការត្រួតពិនិត្យវិន័យនៃមជ្ឈិមបក្ស អាណត្តិទី១៨និងសេចក្តីសម្រេចចិត្តស្តីពី<កម្រោងធ្វើវិសោធនកម្មលើលក្ខនិ្តកៈបក្សកុម្មុយនិស្តចិន>ព្រមទាំងបានយកគតិសង្គមនិយមប្រកបដោយលក្ខណៈពិសេសចិនក្នុងយុគសម័យថ្មីរបស់លោកស៊ីជីនភីងចម្លងចូលទៅក្នុងលក្ខនិ្តកៈបក្សទៀតផង៕
