នៅរសៀលថ្ងៃទី ២០ ខែតុលា គណៈអធិបតីនៃសមាជបក្សកុម្មុយនិស្តចិនលើកទី ១៩ បានរៀបចំធ្វើសន្និសីទលើកទី ២ នៅវិមានសភាប្រជាជនចិន ។ លោកស៊ី ជីនភីង អគ្កលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន បានធ្វើជាអធិបតីក្នុងសន្និសីទលើកនេះ ។
សន្និសីទលើកនេះបានឲ្យសច្ចាប័នលើការដាក់សេចក្តីព្រាងនៃសេចក្តីសម្រេចចិត្តឲ្យគណៈប្រតិភូបក្សធ្វើការពិគ្រោះពិភាក្សា បូករួមមានសេចក្តីព្រាងនៃសេចក្តីសម្រេចចិត្តស្តីពីរបាយការណ៍នៃគណៈកម្មាធិការបក្សកុម្មុយនិស្តចិនអាណត្តិទី ១៨ សេចក្តីព្រាងនៃសេចក្តីសម្រេចចិត្តស្តីពីរបាយការណ៍ការងារនៃគណៈកម្មាធិការត្រួតពិនិត្យវិន័យនៃមជ្ឈិមបក្សកុម្មុយនិស្តចិនអាណត្តិទី ១៨ និងសេចក្តីព្រាងនៃសេចក្តីសម្រេចចិត្តស្តីពីច្បាប់កែសម្រួលនៃលក្ខន្តិកៈបក្សកុម្មុយនិស្តចិន៕
