ព្រឹកថ្ងៃទី ១៩ ខែតុលា លោកZhang Gaoli សមាជិកគណៈអចិន្ត្រៃយ៍នៃការិលាល័យនយោបាយមជ្ឈិមបក្សកុម្មុយនិស្តចិនបានចូលរួមការពិគ្រោះពិភាក្សានៃគណៈប្រតិភូតំណាងបក្សរបស់ខេត្តស្រានស៊ីក្នុងសមាជបក្សលើកទី ១៩ ។
លោកបានបង្ហាញថា របាយការណ៍របស់លោកស៊ីជីនភីង បានឆ្លើយតបនឹងសំណួរសំខាន់ៗដែលពាក់ព័ន្ធនឹងទ្រឹស្តី ការប្រតិបតិ្តជាក់ស្តែងក្នុងការប្រកាន់ខ្ជាប់និងអភិវឌ្ឍន៍សង្គមនិយមមានលក្ខណៈពិសេសរបស់ប្រទេសចិននៅយុគសម័យថី្ម ដោយឈរលើចក្ខុវិស័យគ្រប់ជ្រុងជ្រោយនិងវែងឆ្ងាយនៃការអភិវឌ្ឍបុព្វហេតុបក្សនិងរដ្ឋ ព្រមទាំងបានអធិប្បាយយ៉ាងច្បាស់លាស់អំពីគោលណែនាំផ្នែកនយោបាយនិងផែនការជាយុទ្ធសាស្ត្រនៃការងារបក្សនិងរដ្ឋក្នុងមួយរយៈកាលនៅពេលអនាគត ។
របាយការណ៍ច្បាប់មួយនេះប្រកបដោយចក្ខុវិស័យវែងឆ្ងាយ មានលក្ខណៈត្រួសត្រាយនិងច្នៃប្រឌិតថី្ម និងប្រកបដោយអត្ថន័យសម្បូរបែប គឺជាឯកសារកម្មវត្ថុមួយច្បាប់ដែលប្រកបដោយរស្មីត្រចះត្រចង់នៃលទ្ធិម៉ាក្សនិយម គឺជាសេចកី្តប្រកាសនយោបាយនិងកម្មវិធីប្រតិបតិ្តរបស់បក្សសម្រាប់ឆ្ពោះទៅកាន់យុគសម័យថី្ម ចាប់ផ្តើមដំណើរថី្ម និងចារទំព័រប្រវតិ្តសាស្ត្រថី្ម ។ អាស្រ័យហេតុនេះ យើងទាំងអស់គ្នាត្រូវរៀនសូត្រនិងស្វែងយល់យ៉ាងផ្ចិតផ្ចង់ព្រមនិងអនុវត្តឲ្យបានល្អប្រសើរ ដើម្បីជំរុញបុព្វហេតុដ៏មហិមានៃសង្គមនិយមមានលក្ខណៈពិសេសរបស់ប្រទេសចិនក្នុងយុគសម័យថ្មីឲ្យវិវឌ្ឍចម្រើនឥតឈប់ឈរ ៕
