ព្រឹកថ្ងៃទី ១៨ ខែតុលា សមាជបក្សកុម្មុយនិស្តចិនលើកទី ១៩ បានបើកធ្វើនៅក្រុងប៉េកាំង ។ លោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនបានថ្លែងរបាយការណ៍ជូនអង្គសមាជដែលមានចំណងជើងថា 《 តស៊ូប្តូរផ្តាច់ដើម្បីសម្រេចកិច្ចកសាងសង្គមដែលប្រជាជនមានជីវភាពធូរធារបង្គួរដោយគ្រប់ជ្រុងជ្រោយ និងដណ្តើមយកជ័យជម្នះដ៏មហិមានៃសង្គមនិយមមានលក្ខណៈពិសេសរបស់ប្រទេសចិនក្នុងយុគសម័យថី្ម 》។
ទាក់ទិននឹងរឿងនេះ ឥស្សរជននៃមជ្ឈដ្ឋាននយោបាយនិងសិក្សាស្រាវជ្រាវក៏ដូចជាប្រព័ន្ធសារព័ត៌មានរបស់ប្រទេសជាច្រើនបានវិភាគថា ក្នុងរយៈពេល៥ឆ្នាំកន្លងទៅនេះ ប្រទេសចិនក្រោមការដឹកនាំរបស់បក្សកុម្មុយនិស្តចិនទទួលបានសមិទ្ធផលដ៏ធំធេងក្នុងការអភិវឌ្ឍជាតិ ព្រមជាមួយគ្នានេះ ក៏បានសកម្មរួមវិភាគទាននូវតម្រិះប្រាជ្ញានិងគម្រោងសម្រាប់ដោះស្រាយបញ្ហារបស់ប្រទេសចិនដើម្បីជួយដោះស្រាយបញ្ហាជាសកលផងដែរ ។ ការប្រកាន់ខ្ជាប់នូវការដឹកនាំរបស់បក្សកុម្មុយនិស្តចិន ការប្រកាន់ខ្ជាប់នូវការដើរតាមមាគ៌ាអភិវឌ្ឍន៍ដែលសមស្របនឹងប្រទេសចិន គឺជាគន្លឹះដែលធ្វើឲ្យប្រទេសចិនទទួលបានសមិទ្ធផលដ៏ធំធេងបែបនេះ ហើយក៏ជាទិសដៅដ៏ត្រឹមត្រូវសម្រាប់ប្រទេសចិនបន្តដើរឆ្ពោះទៅកាន់អនាគតផងដែរ ៕
