អ្នកជំនាញការឥណ្ឌាថ្លែងថា កិច្ចប្រជុំសន្ទនាគ្នារបស់តំណាងជនជាតិភាគតិចនៃមហាសន្និបាតទាំងពីររបស់ប្រទេសចិនឆ្នាំ២០១៧បានបង្ហាញឲ្យឃើញពីសារសំខាន់នៃការងារជនជាតិប្រទេសចិន

លោក Pankaj Srivastava អ្នកជំនាញការខាងបញ្ហាអាស៊ីរបស់ប្រទេសឥណ្ឌាបានថ្លែងថា រដ្ឋាភិបាលចិនយកចិត្តទុកដាក់ជាខ្លាំងលើការងារជនជាតិជាប់រហូតមក ។ ក្នុងមហាសន្និបាតទាំងពីររបស់ប្រទេសចិននៅឆ្នាំ២០១៧ មិនគ្រាន់តែមានតំណាងជនជាតិភាគតិចចូលរួមប៉ុណ្ណោះទេ ថែមទាំងបានរៀបចំធ្វើកិច្ចប្រជុំសន្ទនាគ្នារបស់តំណាងជនជាតិភាគតិចក្នុងអំឡុងពេលធ្វើមហាសន្និបាតទាំងពីរផងដែរ ។ អ្នកដឹកនាំចិនដូចជា លោក Xi Jinping ប្រធានរដ្ឋចិន និងលោក Li Keqiang នាយករដ្ឋមន្ត្រីចិន ជាដើមបានអញ្ជើញចូលរួមកិច្ចប្រជុំសន្ទនាគ្នានេះ ។ គ្រប់ពេលវេលា រដ្ឋាភិបាលចិននិងបក្សកុម្មុយនិស្តចិនបានយកចិត្តទុកដាក់លើសាមគ្គីភាពជនជាតិនិងការងារអភិវឌ្ឍន៍តំបន់ជនជាតិ ហើយខិតខំប្រឹងប្រែងដើម្បីសម្រេចគោលដៅដែលជនជាតិទាំង៥៦ពួតដៃគ្នាឆ្ពោះទៅមុខក្នុងដំណើរផ្លូវបង្កើតសង្គមធូរធាដោយគ្រប់ជ្រុងជ្រោយឥតឈប់ឈរ ។