លោក Xi Jinping ប្រធានរដ្ឋចិនបានមានប្រសាសន៍នៅពេលចូលរួមសន្និសីទពេញអង្គរបស់គណៈប្រតិភូកងទ័ពរំដោះប្រជាមានិតុចិនថា អនុវត្តយុទ្ធសាស្ត្រអភិវឌ្ឍន៍ការជំរុញការច្នៃប្រឌិតថ្មីដោយគ្រប់ជ្រុងជ្រោយ និងជំរុញការកសាងការការពារជាតិនិងកងទ័ពដើម្បីសម្រេចការបោះជំហានមួយថ្មី

រសៀលថ្ងៃទី១៣ខែមីនា ពេលចូលរួមសន្និសីទពេញអង្គរបស់គណៈប្រតិភូកងទ័ពរំដោះប្រជាមានិតុចិននៃមហាសន្និបាតលើកទី៤នៃសភាតំណាងប្រជាជនទូទាំងប្រទេសចិន លោក Xi Jinping អគ្គលេខាធិការមជ្ឈិមបក្សកុម្មុយនិស្តចិន ប្រធានរដ្ឋចិន និងជាប្រធានគណៈកម្មការយោធាមជ្ឈិមចិនបានគូសបញ្ជាក់ថា ត្រូវដាក់បញ្ចូលការច្នៃប្រឌិតថ្មីទៅក្នុងតួនាទីដ៏សំខាន់នៃសភាពទូទៅនៃការអភិវឌ្ឍន៍ការកសាងកងទ័ពប្រទេសចិន ជំរុញការកសាងការការពារជាតិនិងកងទ័ពដោយពឹងផ្អែកលើកំណែទម្រង់និងការច្នៃប្រឌិតថ្មីដើម្បីសម្រេចការបោះជំហានមួយថ្មី ហើយគឺជាគន្លឹះមួយដែលសម្រេចអនាគតនិងវាសនារបស់កងទ័ពប្រទេសចិន ចាំបាច់ត្រូវអនុវត្តយុទ្ធសាស្ត្រអភិវឌ្ឍន៍ការជំរុញការច្នៃប្រឌិតថ្មីដោយគ្រប់ជ្រុងជ្រោយ ប្រកាន់ខ្ជាប់ស្តង់ដារនៃកម្លាំងប្រយុទ្ធ ខិតខំប្រឹងប្រែងក្តាប់ជាប់ការច្នៃប្រឌិតថ្មីផ្នែកបញ្ញាញាន ក្តាប់ជាប់ការច្នៃប្រឌិតថ្មីផ្នែកបច្ចេកវិទ្យា ការគ្រប់គ្រងវិទ្យាសាស្ត្រ ការប្រមូលផ្តុំមនុស្សសាស្ត្រ និងការច្នៃប្រឌិតថ្មីអនុវត្តជាក់ស្តែង ដឹកនាំនិងជំរុញការច្នៃប្រឌិតថ្មីដោយគ្រប់ជ្រុងជ្រោយដោយការវាយទម្លុះនូវចំណុចសំខាន់ៗ ដើម្បីបង្កើតស្ថានភាពថ្មីដែលធ្វើឲ្យកងទ័ពមានភាពខ្លាំងក្លានិងរីកចម្រើនឥតឈប់ឈរ ។