ថ្ងៃទី១៥ខែមីនា មហាសន្និបាតលើកទី៣នៃសភាតំណាងប្រជាជនទូទាំងប្រទេសចិននីតិកាលទី១២បានបិទសម័យប្រជុំនៅក្រុងប៉េកាំង ។ មហាសន្និបាតបានអនុម័តលើរបាយការណ៍ការងារនៃរដ្ឋាភិបាលនិងរបាយការណ៍ការងារនៃគណៈកម្មាធិការអចិន្ត្រៃយ៍សភាតំណាងប្រជាជនទូទាំងប្រទេសចិនជាដើម ហើយបានបោះឆ្នោតអនុម័តសេចក្តីសម្រេចចិត្តអំពីការធ្វើវិសោធនកម្មច្បាប់នីតិបញ្ញត្តិ បន្ទាប់មក លោក Xi Jinping ប្រធានរដ្ឋចិនបានចុះហត្ថលេខាលើបទបញ្ជារបស់ប្រធានរដ្ឋលេខទី២០ព្រមនិងប្រកាសជាផ្លូវការផងដែរ ។
បន្ទាប់ពីមហាសន្និបាតបានសម្រេចរបៀបវារៈគ្រប់ចំណុចរួចមក លោក Zhang Dejiang ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិនបានថ្លែងសុន្ទរកថា ។ លោកថ្លែងថា លទ្ធផលសំខាន់មួយនៃមហាសន្និបាតលើកនេះគឺពិគ្រោះពិភាក្សាអនុម័តទៅលើសេចក្តីសម្រេចចិត្តអំពីការធ្វើវិសោធនកម្មច្បាប់នីតិបញ្ញត្តិ គឺមានអត្ថន័យសំខាន់ចំពោះការបំពេញប្រព័ន្ធច្បាប់សង្គមនិយមដែលមានលក្ខណៈពិសេសរបស់ប្រទេសចិននិងកសាងប្រទេសសង្គមនិយមដែលគ្រប់គ្រងដោយនីតិរដ្ឋ ។
លោក Zhang Dejiang បង្ហាញថា យើងត្រូវប្រកាន់ខ្ជាប់ការដើរតាមផ្លូវគ្រប់គ្រងតាមនីតិរដ្ឋនៃសង្គមនិយមដែលមានលក្ខណៈពិសេសរបស់ប្រទេសចិន ជំរុញកំណែទម្រង់ក្រោមនីតិរដ្ឋ បំពេញបន្ថែមការគ្រប់គ្រងតាមនីតិរដ្ឋក្នុងកំណែទម្រង់ ដើម្បីសម្រេចការសម្រេចកំណែទម្រង់និងការសម្រេចចិត្តខាងនីតិបញ្ញត្តិក្នុងការជំរុញគ្នាទៅវិញទៅមក ។
