ថ្ងៃទី៨ខែមីនា លោកXi Jinpingប្រធានរដ្ឋចិនបានចូលរួមការពិនិត្យពិភាក្សាជាមួយគណប្រតិភូក្វាំងស៊ី។ លោកបង្ហាញថា ភូមិភាគស្វយ័តក្វាំងស៊ីត្រូវតែពង្រីកនិងធ្វើឲ្យស៊ីជម្រៅនូវកិច្ចសហប្រតិបត្តិការជាមួយអាស៊ាននិងបង្កើតវេទិកាបើកចំហចំពោះខាងក្រៅដោយគ្រប់ជ្រុងជ្រោយតាមឆ្នេរសមុទ្រនិងតាមបណ្តោយទន្លេ។
លោកXi Jinpingបានចង្អុលបង្ហាញាថា តាមដំណើរដែលប្រទេសជាតិជំរុញការកសាងខ្សែក្រវាត់មួយនិងផ្លូវមួយ ភូមិភាគស្វយ័តក្វាំងស៊ីទទួលបានឱកាសសម្រាប់ការអភិវឌ្ឍន៍ដែលមានលក្ខណៈប្រវត្តិសាស្រ្តក្រោមយន្តការដែលបើកចំរចំពោះខាងក្រៅរបស់ប្រទេសជាតិ។ ត្រូវពន្លឿនការបង្កើតយន្តការថ្មីនៃកិច្ចសហប្រតិបត្តិការនិងបើកចំហរដែលប្រឈមមុខចំពោះផ្ទៃក្នុងនិងអន្តរជាតិ អនុវត្តយុទ្ធសាស្រ្តបើកចំហដែលកាន់តែសកម្មនិងម្ចាស់ការ បង្កើតប្រព័ន្ធសេដ្ឋកិច្ចប្រភេទបើកចំហដែលកាន់តែមានកម្លាំងរស់រវើក ពង្រីកនិងធ្វើឲ្យស៊ីជម្រៅនូវកិច្ចសហប្រតិបត្តិការជាមួយអាស៊ាន ព្រមទាំងបង្កើតវេទិកាបើកចំហរចំពោះខាងក្រៅដោយគ្រប់ជ្រុងជ្រោយតាមឆ្នេរសមុទ្រនិងតាមបណ្តោយទន្លេ។
លោកXi Jinpingបានថ្លែងទៀតថា ត្រូវតែបំពេញការងារជួយជ្រោមជ្រែងក្នុងតំបន់ក្រីក្រឲ្យបានល្អ ឆ្លងតាមរយៈការជួយតំបន់ក្រីក្រលើកកម្ពស់សុខភាពនិងចំណេះដឹងខាងវប្បធម៌ព្រមទាំងសមត្ថភាពស្វែងរកការងារធ្វើដើម្បីជាមធ្យោបាយដ៏ប្រាកដប្រជាសម្រាប់ឲ្យកុមារទទួលបានការធំធាត់ឡើងតាមរយៈការរៀនសូត្រនិងយុវជនកែប្រែជោគវាសនាតាមរយៈការបំពេញការងារគ្រប់ប្រភេទ៕
