រសៀលថ្ងៃទី ៤ ខែមីនា លោក ស៊ី ជីនភីង អគ្គលេខាធិការមជ្ឈឹមបក្សកម្មុយនិស្តចិន ប្រធានរដ្ឋចិន និងជាប្រធានគណៈកម្មការយោធាមជ្ឈឹមចិនបានអញ្ជើញចុះសួរសុខទុក្ខដល់សមាជិករបស់គណៈកម្មាធិការបដិវត្តនៃបក្សកុមីងតាងប្រទេសចិន សម្ព័ន្ធស្វ័យភាពប្រជាធិបតេយ្យតៃវ៉ាន់ និងសមាគមន៍បងប្អូនរួមជាតិតៃវ៉ាន់ទូទាំងប្រទេសចិន ដែលអញ្ជើញចូលរួមក្នុងមហាសន្និបាតលើកទី ៣ នៃសភាប្រឹក្សានយោបាយប្រជាជនទូទាំងប្រទេសចិននីតិកាលទី ១២ ។ លោក ស៊ី ជីនភីង ក៏បានចូលរួមការប្រជុំជាក្រុម ដើម្បីស្តាប់មតិនិងសំណើររបស់សមាជិកគណៈកម្មាធិការផងដែរ។ លោកបានសង្កត់ធ្ងន់ថា ការអភិវឌ្ឍន៍ដោយសន្តិភាពសម្រាប់ត្រើយទាំងសងខាងគឺជាផ្លូវដ៏ត្រឹមត្រូវមួយ ដែលគាំពារដល់សន្តិភាពត្រើយទាំងសងខាង ជំរុញការវិវឌ្ឍន៍ជាមួយគ្នា ផ្តល់ផលប្រយោជន៍ដល់ជនរួមជាតិត្រើយទាំងសងខាង ហើយក៏ជាផ្លូវភ្លឺស្វាងសម្រាប់ឈានទៅកាន់ការបង្រួបបង្រួមជាតិដោយសន្តិភាពទៀតផង យើងត្រូវដើរតាមផ្លូវអភិវឌ្ឍន៍សន្តិភាពយ៉ាងម៉ឹងម៉ាត់មិនងាករេ ប្រកាន់ខ្ជាប់យ៉ាងម៉ឺងម៉ាត់មិនងាករេនូវមូលដ្ឋាននយោបាយរួម ស្វែងរកផលប្រយោជន៍សម្រាប់ជនរួមជាតិត្រើយទាំងសងខាងយ៉ាងម៉ឹងម៉ាត់មិនងាករេ ដើម្បីសម្រេចការងើបឡើងវិញនៃជនជាតិដោយចាប់ដៃជាមួយគ្នាយ៉ាងម៉ឹងម៉ាត់មិនងាករេ។
លោក ស៊ី ជីនភីង បានបន្តសង្កត់ធ្ងន់ថា ក្នុងរយៈពេលមួយឆ្នាំកន្លងមកនេះ យើងបានប្រកាន់ខ្ជាប់នូវគោលលំនាំនយោបាយនិងការសម្រេចស្តីអំពីការងារតៃវ៉ាន់ ការពិភាក្សារបបភាវូបនីយកម្មនៃត្រើយទាំងសងខាងទទួលបានលទ្ធផលល្អថ្មី ការគួបផ្សំសេដ្ឋកិច្ចត្រើយទាំងសងខាងបានវិវឌ្ឍន៍យ៉ាងស៊ីជម្រៅឥតឈប់ឈរ កិច្ចសហប្រតិបត្តិការនិងការផ្លាស់ប្តូរក្នុងគ្រប់វិស័យបានរក្សានិន្នាការវិវឌ្ឍន៍ដ៏ល្អប្រសើរ ហើយសភាពការណ៍នៅសមុទ្រតៃវ៉ាន់ក៏មានភាពនឹងនរជាទូទៅដែរ។
លោក ស៊ី ជីនភីង បានវែកញែកថា "មតិឯកភាពឆ្នាំ ១៩៩២ " បានដើរតួនាទីដ៏សំខាន់ដែលមិនអាចជំនួសបានសម្រាប់ការបង្កើតជំនឿទុកចិត្តខាងនយោបាយរបស់ត្រើយទាំងសងខាង ធ្វើការពិគ្រោះប្រឹក្សា និងការកែលម្អការអភិវឌ្ឍន៍នៃទំនាក់ទំនងរវាងត្រើយទាំងសងខាង ។ យើងបានប្រកាន់ខ្ជាប់ពីដើមរហូតមកដោយចាត់ទុក "មតិឯកភាពឆ្នាំ ១៩៩២ " ជាមូលដ្ឋាននិងលក្ខណៈសម្រាប់ការបើកធ្វើការទាក់ទងនិងការទៅមករកគ្នាជាមួយរដ្ឋបាលតៃវ៉ាននិងគ្រប់បក្សនានា ដែលមានខ្លឹមសារស្នូលគឺ ទទួលស្គាល់ថាចិនដីគោកនិងតៃវ៉ាន់ជារបស់ប្រទេសចិនតែមួយ។ កម្លាំងបំបែកបំបាក់ចង់អោយ "តៃវ៉ានឯករាជ្យ" និងសកម្មភាពរបស់ពួកគេបានបង្ខូចដល់អធិបតេយ្យភាពនិងបូរណភាពទឹកដីជាតិ ពួកគេប៉ុនប៉ងបង្ករឿងហេតុអោយប្រជាជននិងសង្គមត្រើយទាំងសងខាងប្រឈមមុខដាក់គ្នា ចង់កាត់ផ្តាច់ចំណងស្មារតីរបស់បងប្អូនរួមជាតិត្រើយទាំងសងខាង គឺជាឧបសគ្គធំបំផុតនៃការអភិវឌ្ឍន៍ដោយសន្តិភាពនៃទំនាក់ទំនងត្រើយទាំងសងខាង ជាការគំរាមកំហែងធំបំផុតដល់សន្តិភាពនិងស្ថិរភាពនៃតំបន់សមុទ្រតៃវ៉ាន់ ចាំបាច់ត្រូវតែប្រឆាំងជាដាច់ខាត។
លោក ស៊ី ជីនភីង បានបន្តសង្កត់ធ្ងន់ថា ការងើបឡើងវិញនៃជនជាតិ សុភមង្គលរបស់ប្រជាជនគឺជាបំណងស្វែងរករួមគ្នារបស់ជនរួមជាតិត្រើយទាំងសងខាង។ បងប្អូនរួមជាតិត្រើយទាំងសងខាងត្រូវចាប់ដៃរួមចិត្តរួមថ្លើមជាមួយគ្នា ដើម្បីផ្តល់ប្រាជ្ញានិងកម្លាំងដល់ការងើបឡើងវិញដ៏មហិមារបស់ប្រជាជាតិចិន៕
