ថ្ងៃទី១៧ខែវិច្ឆិកា លោកXiJinpingប្រធានរដ្ឋចិនបានជួបសន្ទនាជាមួយលោកCosgroveប្រមុខរដ្ឋប្រទេសអូស្ត្រាលីនៅក្រុងCanberra។
មុនកិច្ចជំនួប លោកCosgroveបានធ្វើពិធីបដិសណ្ឋារកិច្ចដ៏ឱឡារិកសម្រាប់ដំណើរទស្សនកិច្ចរបស់លោកXiJinping។ ក្រោយពីពិធីបដិសណ្ឋារកិច្ច លោកXiJinpingបានធ្វើការសំណេះសំណាលជាលក្ខណៈមិត្តភាពជាមួយនិងលោកCosgrove។
លោកCosgroveបានស្វាគមន៍យ៉ាងកក់ក្តៅចំពោះដំណើរទស្សនកិច្ចផ្លូវរដ្ឋរបស់លោកXiJinpingនៅប្រទេសអូស្ត្រាលី។ លោកCosgroveបានថ្លែងថា ការដែលប្រទេសទាំងពីរបង្កើតទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ ការបញ្ចប់ដោយមានលក្ខណៈជាក់ស្តែងនូវការពិគ្រោះពិភាក្សាស្តីពីកិច្ចព្រមព្រៀងពាណិជ្ជកម្មសេរីរវាងចិននិងអូស្ត្រាលី បានបង្ហាញដោយពេញលេញនូវសក្តានុពលនិងឆន្ទៈយ៉ាងមោះមុតនៃកិច្ចសហប្រតិបត្តិការរវាងប្រទេសទាំងពីរ។
លោកXiJinpingបានថ្លែងថា ពួកយើងបានសម្រេចចិត្តធ្វើឲ្យទិសដៅនៃទំនាក់ទំនងទ្វេភាគីរវាងចិននិងអូស្ត្រាលីក្លាយទៅជាទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ និងបានប្រកាសថាបញ្ចប់ដោយមានលក្ខណៈជាក់ស្តែងនូវការពិគ្រោះពិភាក្សាស្តីពីកិច្ចព្រមព្រៀងពាណិជ្ជកម្មសេរីរវាងចិននិងអូស្រ្តាលី។លោកXiJinpingបានគូសបញ្ជាក់ថា ភាគីចិនយកចិត្តទុកដាក់កម្រិតខ្ពស់ដល់ការអភិវឌ្ឍន៍ទំនាក់ទំនងយោធានៃប្រទេសទាំងពីរ រីករាយបង្កើនកិច្ចសហប្រតិបត្តិការលើកិច្ចការការពាររវាងចិននិងអូស្រ្តាលី រួមគ្នាការពារសន្តិភាពនិងស្ថិរភាពក្នុងតំបន់៕
