ថ្ងៃទី ១៣ ខែវិចិ្ឆកា តាមម៉ោងតំបន់ លោកLi Keqiang នាយករដ្ឋមន្រ្តីចិនបានអញ្ជើញចូលរួមកិច្ចប្រជុំថ្នាក់ដឹកនាំអាស៊ាន-ចិន-ជប៉ុននិងកូរ៉េខាងត្បូងលើកទី ១៧ នៅក្រុងណៃពីដោវត្តមាននៅក្នុងកិច្ចប្រជុំនោះមានថ្នាក់ដឹកនាំនៃប្រទេសអាស៊ាន(១០) ប្រទេសជប៉ុន និងកូរ៉េខាងត្បូង ។ កិច្ចប្រជុំបានប្រារព្ធធ្វើក្រោមអធិបតីភាពលោកU Thengseng ។ ក្នុងសុន្ទរកថា លោកLi Keqiang បានមានប្រសាសន៍ថា ប្រទេសអាស៊ាន (១០) និងប្រទេសចិន ជប៉ុន កូរ៉េខាងត្បូងមានទីតាំងភូមិសាស្រ្តជិតៗគ្នា វិស័យសេដ្ឋកិច្ចអាចប៉ះប៉ូវគ្នា និងមានវប្បធម៌ស្រដៀងគ្នា កិច្ចសហប្រតិបត្តិការ(១០)បូក៣បានជំរុញយ៉ាងខ្លាំងនូវដំណើរការកសាងសមាហរណកម្មអាស៊ីបូព៌ា ។ បណ្តាភាគីត្រូវតែរក្សាយ៉ាងមុតមាំនូវសន្តិភាពនិងស្ថិរភាពក្នុងតំបន់ ។
ថ្នាក់ដឹកនាំប្រទេសនានាដែលចូលរួមកិច្ចប្រជុំបានថ្ែលងថា កិច្ចសហប្រតិបត្តិការ១០បូក៣ បានដើរតួនាទីក្នុងវិស័យសំខាន់នៃកិច្ចសហប្រតិបត្តិការអាស៊ីបូព៌ា និងបានជំរុញយ៉ាងខ្លាំងក្នុងការអភិវឌ្ឍន៍ក្នុងតំបន់ ។ បណ្តាប្រទេសត្រូវប្រកៀកស្មាគ្នាអនុវត្តសេចក្តីផ្តួចផ្តើមនិងគម្រោងនៃកិច្ចសហប្រតិបត្តិការ ពង្រីកកិច្ចសហប្រតិបត្តិការខាងសេដ្ឋកិច្ចបន្ថែមទៀត ប្រឹងប្រែងបញ្ចប់ការចរចាអំពីកិច្ចព្រមព្រៀងនៃទំនាក់ទំនងភាពជាដៃគូសេដ្ឋកិច្ចគ្រប់ជ្រុងជ្រោយនៅក្នុងតំបន់ឲ្យបានឆាប់រហ័ស ជំរុញការកសាងសហគមន៍អាស៊ីបូព៌ា គាំពារឲ្យកាន់តែល្អនូវសន្តិភាពនិងភាពរុងរឿងថ្កុំថ្កើងក្នុងតំបន់ ៕
