លោក Li Keqiang បានអធិប្បាយអំពីគោលជំហរនៃគោលការណ៍បញ្ហាសមុទ្រចិនខាងត្បូងរបស់ភាគីចិននៅក្នុងសន្និសីទកំពូលអាស៊ីខាងកើត

ព្រឹកថ្ងៃទី១៣ខែវិចិ្ឆកាតាមម៉ោងតំបន់ នៅក្នុងសុន្ទរកថារបស់លោក Li Keqiang នាយករដ្ឋមន្ត្រីចិនក្នុងឱកាសចូលរួមសន្និសីទកំពូលអាស៊ីខាងកើតលើកទី៩នៅក្រុងណៃភីដោរបស់មីយ៉ាន់ម៉ា លោកបានថ្លែងថា សភាពទូទៅនៃស្ថានការណ៍សមុទ្រចិនខាងត្បូងគឺនឹងនរ សេរីភាពនិងសន្តិសុខនៃនាវាចរណ៍ក៏មានការធានាយ៉ាងល្អប្រសើរ ។ ចិននិងប្រទេសអាស៊ានបានពិភាក្សាឆ្លើយឆ្លងនិងផ្លាស់ប្តូរមតិគ្នាយ៉ាងជិតស្និទ្ធនិងមានប្រសិទ្ធិភាពអំពីការអនុវត្តសេចក្តីប្រកាសស្តីពីប្រតិបត្តិសមុទ្រចិនខាងត្បូងយ៉ាងគ្រប់ជ្រុងជ្រោយនិងជំរុញកិច្ចសហប្រតិបត្តិការជាក់ស្តែងលើសមុទ្រ ។ យើងទាំងអស់គ្នាបានបញ្ជាក់ហើយថា ពេលដោះស្រាយបញ្ហាសមុទ្រចិនខាងត្បូង ការវិវាទមានពាក់ព័ន្ធត្រូវដោះស្រាយដោយឆ្លងតាមការចរចានិងពិគ្រោះពិភាក្សាគ្នារវាងប្រទេសនិងប្រទេសដែលមានការវិវាទ គំនិតផ្តួចផ្តើមពីរសម្រាប់សន្តិភាពនិងស្ថិរភាពនៅសមុទ្រចិនខាងត្បូងត្រូវគាំពារដោយចិននិងប្រទេសអាស៊ានរួមគ្នា យល់ព្រមសកម្មធ្វើការពិគ្រោះពិភាក្សា ស្វែងរកការដើរដល់ក្រមប្រតិបត្តិសមុទ្រចិនខាងត្បូងដោយផ្អែកនៅលើមូលដ្ឋានពិគ្រោះពិភាក្សានិងឯកភាពគ្នាក្នុងពេលឆាប់ៗ ហើយបានទទួលសមិទ្ធផលនៅដំណាក់កាលដំបូងរួចហើយ ។