សន្និសិទអ្នកដឹកនាំសម្ព័ន្ធអាស៊ានលើកទី ២៥ បានបិទសម័យប្រជុំនៅក្រុងណៃពិដោ រដ្ឋធានីប្រទេសមីយ៉ាន់ម៉ាកាលពីថ្ងៃទី ១២ ខែវិច្ឆិកា សន្និសិទបានរំលឹកនិងធ្វើការពិភាក្សាអំពីដំណើរកសាងសហគមន៍អាស៊ានតែមួយ ដោយបានរំលឹកសាជាថ្មីថា ត្រូវបង្កើតតួនាទីនៃសម្ព័ន្ធអាស៊ាន និងយន្តការគ្រប់ប្រភេទដែលដឹកនាំដោយអាស៊ានដោយស្ថិតនៅក្រោមក្របខ័ណ្ឌតំបន់ដែលមានការកែប្រែឥតឈប់ឈរ ដើម្បីបង្កើតឋានៈមជ្ឈឹមនៃសម្ព័ន្ធអាស៊ានជាដើម។
តាមសេចក្តីប្រកាសន៍ព័ត៌មានដែលចេញផ្សាយបន្ទាប់ពីសន្និសិទបានអោយឃើញថា សន្និសិទអ្នកដឹកនាំអាស៊ានបានធ្វើផែនការកំណត់ពីអនាគតនៃសហគមន៍អាស៊ានក្រោយឆ្នាំ ២០១៥ ដោយលើកឡើងថា ត្រូវបង្កើនការកសាងយន្តការអាស៊ាន ព្រមទាំងបានផ្លាស់ប្តូរមតិយោបល់ពីបញ្ហាក្នុងតំបន់និងអន្តរជាតិមួយចំនួនផងដែរ។ អ្នកដឹកនាំសម្ព័ន្ធអាស៊ានបានរំលឹកជាថ្មីម្តងទៀតថា ត្រូវធ្វើអោយសម្ព័ន្ធអាស៊ានក្លាយទៅជាសហគមន៍តែមួយដ៏ស៊ីសង្វាក់គ្នាដែលមានចិត្តបង្រួមបង្រួបខាងនយោបាយ មានកម្លាំងរស់រវើកខាងសេដ្ឋកិច្ច ហើយអាចទទួលខុសត្រូវខាងកិច្ចការសង្គមកិច្ច ព្រមទាំងបានចង្អុលថា ទាំងនេះសមស្របនឹងក្តីសង្ឃឹមជាមូលដ្ឋានរបស់ប្រជាជននៃសម្ព័ន្ធអាស៊ាន។
សន្និសីទបានថ្លែងការស្វាគមន៍ចំពោះការចរចានៃកិច្ចព្រមព្រៀងស្តីពីទំនាក់ទំនងដៃគូសេដ្ឋកិច្ចគ្រប់ជ្រុងជ្រោយក្នុងតំបន់( ដែលហៅកាត់ថាកិច្ចព្រមព្រៀង RCEP ) ហើយបានសូមដាស់តឿនអោយបណ្តាភាគីទាំងអស់រួមគ្នាខិតខំដើម្បីសម្រេចការចរចានៃកិច្ចព្រមព្រៀង RCEP មុនចុងឆ្នាំ ២០១៥។
សន្និសីទមួយចំនួនរវាងអ្នកដឹកនាអាស៊ីបូព៌ាលើកនេះគឺបើកធ្វើនៅក្រុងណៃពិដោពីថ្ងៃទី ១២ ដល់ទី ១៣ វិច្ឆិកា ។ ក្រៅពីសន្និសិទអ្នកដឹកនាំអាស៊ាន សម្ព័ន្ធអាស៊ាននៅនឹងធ្វើសន្និសីទអ្នកដឹកនាំ 10 + 1 ជាមួយប្រទេសជាដៃគូពិភាក្សាដូចជាប្រទេសចិន ជប៉ុនជាដើម បើកធ្វើសន្និសីទ 10 + 3 ជាមួយអ្នកដឹកនាំប្រទេសទាំងបីចិន-ជប៉ុន-កូរ៉េខាងត្បូង ព្រមទាំងនឹងធ្វើកិច្ចប្រជុំកំពូល 10 + 8 ជាមួយអ្នកដឹកនាំប្រទេសជាដៃគូពិភាក្សាចំនួន ៨ ដែលត្រូវគេសម្កាល់ថាជាកិច្ចប្រជុំកំពូលអាស៊ីបូព៌ាផងដែរ៕
