ថ្ងៃទី ១៩ ខែកញ្ញា មានអ្នកចូលរួមប្រហែល ៣០០ នាក់ ដែលក្នុងនោះមានអតីតអ្នកដឹកនាំរដ្ឋាភិបាលសំខាន់ៗរបស់ប្រទេសសម្ព័ន្ធអាស៊ាន មន្ត្រីរដ្ឋាភិបាលប្រទេសអាស៊ាន អ្នកទទួលខុសត្រូវនៃអង្គការមិត្តភាពនៃបណ្តាប្រទេស ប្រេសិតស្ថានទូតនៅបណ្តាប្រទេសប្រចាំនៅប្រទេសចិន តំណាងមកពីរដ្ឋបាល មជ្ឈដ្ឋានសហគ្រាស មជ្ឈដ្ឋានវប្បធម៌និងមជ្ឈដ្ឋានព័ត៌មាននៃបណ្តាប្រទេសនានា បានរួមគ្នាធ្វើជាសក្សីនៃ « សេចក្តីថ្លែងការណ៍ក្រុង Cheng Du » ដែលបានត្រូវអនុម័តដោយកិច្ចប្រជុំអង្គការមិត្តភាពស៊ីវិលចិន-អាស៊ានលើកទី ៩ នេះ។
ក្នុងសេចក្តីថ្លែងការណ៍បានលើកឡើងថា កិច្ចប្រជុំអង្គការមិត្តភាពស៊ីវិលចិន-អាស៊ានលើកនេះបានធ្វើការពិភាក្សាដ៏ស៊ីជម្រៅដែលទាក់ទងទៅនឹងប្រធានបទស្តីពី " ទំនាក់ទំនងចិន-អាស៊ាន៖ ក្តីស្រមៃថ្មីចំពោះអនាគត " ។ សេចក្តីថ្លែងការណ៍បានប្រកាសថា នឹងសកម្មផ្តល់ការគាំទ្រដល់ការចុះហត្ថលេខាលើ " សន្ធិសញ្ញាស្តីពីកិច្ចសហប្រតិបត្តិការជាមិត្តភាពនិងសុខដុមរមនារវាងប្រទេសចិននិងប្រទេសអាស៊ាន " ការចាប់ដំណើរការនូវការចរចាអោយតំបន់ពាណិជ្ជកម្មសេរីចិន-អាស៊ានវិវឌ្ឍន៍ឡើងមួយកម្រិតទៀត ការបង្កើតធនាគារបណ្តាក់ទុនទៅលើហេដ្ឋារចនាសម្ព័ន្ធទ្វីបអាស៊ី និងសកម្មគាំទ្រដល់ការផ្តូចផ្តើមគំនិតសំខាន់ៗដូចជាការកសាងផ្លូវសូត្រលើសមុទ្រនាសតវត្សរ៍ទី ២១ជាដើម ហើយគាំទ្រចំពោះអាស៊ានក្នុងការធ្វើឯកភារូបនីយកម្មនៅឆ្នាំ ២០១៥ និងគាំទ្រតួនាទីដឹកនាំរបស់អាស៊ានក្នុងកិច្ចសហប្រតិបត្តិការក្នុងតំបន់។
