តំណាងប្រទេសចិនបានអធិប្បាយអំពីគោលជំហរបស់ភាគីចិនក្នុងបញ្ហានុយគ្លេអែរអ៊ីរ៉ង់ចំពោះអង្គការថាមពលបរមាណូអន្តរជាតិ

ថ្ងៃទី៥ខែមីនា លោកឆឹងជីងយកតំណាងប្រទេសចិនប្រចាំនៅអង្គការ

សហប្រជាជាតិនៅក្រុងវិយែននិងអង្គការអន្តរជាតិដទៃទៀតបានថ្លែងថា ការ

ដែលប្រទេសអ៊ីរ៉ង់បានអនុវត្តន៍តាមវិធានការមានពាក់ព័ន្ធក្នុងក្របខ័ណ្ឌកិច្ចសហប្រតិបត្តិការដែលបានឯកភាពជាមួយអង្គការថាមពលបរមាណូអន្តរជាតិកាលពីខែវិច្ឆកាឆ្នាំទៅមិញព្រមនិងធ្វើការសន្យាថែមទៀត គឺបានបោះជំហ៊ានទៅមុខយ៉ាងសកម្ម ប៉ុន្តែ បញ្ហាដែលសេសសល់នៅមិនទាន់ដោះស្រាយនោះ នៅតែត្រូវធ្វើការខិតខំឲ្យកាន់តែច្រើនថែមទៀត ។

លោក ឆឹងជីងយក បានថ្លែងក្នុងសន្និសីទក្រុមប្រឹក្សាអង្គការថាមពលបរមាណូអន្តរជាតិថា ភាគីចិនសង្ឃឹមថាអង្គការនេះបន្តប្រកាន់នូវអកប្បកិរិយាយុត្តិធ៌មនិងជំនាញ ព្រមនិងដើរតួនាទីមានលក្ខណៈកសាងក្នុងវិស័យត្រួតពិនិត្យការធានាចំពោះអ៊ីរ៉ង់និងការជំរុញឲ្យមានការដោះស្រាយបញ្ហានុយគ្លេអែអ៊ីរ៉ង់ដោយសន្តិវិធី។

លោកបានថ្លែងថា បច្ចុប្បន្ននេះ ប្រទេសទាំង៦និងប្រទេសអ៊ីរ៉ង់កំពុងតែជំរុញការនិយាយឆ្លើយឆ្លងគ្នាដោយឈរលើចំណុចចាប់ផ្តើមថ្មី ។ កាលពីពេលកន្លងទៅថ្មីៗនេះ សន្និសីទនិយាយឆ្លើយឆ្លងគ្នាដែលបានធ្វើនៅក្រុងវិយែនទទួលបានសមិទ្ធផលយ៉ាងសកម្ម ហើយបានចាប់ដំណើរការនៃកិច្ចចរចារខាងកិច្ចព្រមព្រៀងដោយសព្វមុខ។ ជានិច្ចកាលភាគីចិនយល់ឃើញថា ការនិយាយឆ្លើយឆ្លងនិងការចរចារ ជាផ្លូវត្រឹមត្រូវតែមួយគត់សម្រាប់ការដោះស្រាយបញ្ហានុយគ្លេអែអ៊ីរ៉ង់ ។ យើងខ្ញុំបានធ្វើការខិតខំជាប់ជានិច្ចនូវការជំរុញឲ្យមានកិច្ចការចរចារ បានដើរតួនាទីក្នុងលក្ខណៈកសាងសម្រាប់ជំរុញដំណើរចរចារដោយសន្តិវិធីអំពីបញ្ហានុយគ្លេអែអ៊ីរ៉ង់ ។