ថ្ងៃទី៣ខែមីនា លោក Gao Hu cheng រដ្ឋមន្ត្រីក្រសួងពាណិជ្ជកម្មចិនបានថ្លែងនៅពេលនិយាយដល់ការសាកល្បងពីលក្ខខ័ណ្ឌនៃវិស័យពាណិជ្ជកម្មការនាំចេញទៅក្រៅប្រទេសរបស់ចិនឆ្នាំនេះថា លក្ខខ័ណ្ឌនៃវិស័យពាណិជ្ជកម្មការនាំចេញទៅក្រៅប្រទេសនៅឆ្នាំនេះបើប្រៀបធៀបនឹងឆ្នាំទៅមិញ គ្មានកត្តាថ្មីអ្វីដែលបង្កឲ្យមានផលលំបាកទេ តែនៅត្រូវគិតដល់ការលំបាកឲ្យបានច្រើន ត្រៀមបម្រុងគោលនយោបាយខាងការបម្រុងទុកឲ្យបានច្រើន ត្រូវបម្រើសេវាកម្មដល់សហគ្រាសក្នុងគ្រប់វិស័យឲ្យបានកាន់តែល្អ ជាពិសេសគឺខំប្រឹងប្រែងក្នុងវិស័យបង្កើតភាពងាយស្រួលខាងពាណិជ្ជកម្ម ។
រសៀលថ្ងៃដដែល ពេលលោក Gao Hu cheng ទទួលសម្ភាសន៍ពីអ្នកសារព័ត៌មានមុនពេលចូលរួមការប្រជុំសម្ពោធបើកនៃសន្និសីទលើកទីពីរនៃសភាប្រឹក្សានយោបាយប្រជាជនទូទាំងប្រទេសចិនអាណត្តិទី១២បានថ្លែងថា សេដ្ឋកិច្ចទូទាំងពិភពលោកមានដំណើរការល្អប្រសើរឡើងវិញជាសន្សឹមៗ ពិតមែនតែជានិន្នាការកើនឡើង ក៏ប៉ុន្តែមានកត្តាមិនទៀងទាត់ជាច្រើន ។ ដូច្នេះ បើនិយាយអំពីស្ថានការណ៍ពាណិជ្ជកម្មជាមួយបរទេសរបស់ចិន យើងនៅតែត្រូវគិតដល់ការលំបាកឲ្យបានច្រើន ត្រៀមបម្រុងគោលនយោបាយខាងការបម្រុងទុកឲ្យបានច្រើន ។
