ថ្ងៃទី ១៥ ខែមីនា ពេលទទួលបទសម្ភាសន៍នៅ "ច្រកសម្រាប់សមាជិក" នៃមហាសន្និបាតលើកទីមួយនៃសភាប្រឹក្សានយោបាយប្រជាជនទូទាំងប្រទេសចិននីតិកាលទី ១៣ លោក Shu Yinbiao សមាជិកសភាប្រឹក្សានយោបាយប្រជាជនទូទាំងប្រទេស និងជាអគ្គនាយកក្រុមហ៊ុនបណ្តាញអគ្គិសនីជាតិចិន (SGCC) បានថ្លែងថា ការកសាងហេដ្ឋារចនាសម្ព័ន្ធអគ្គិសនីបានក្លាយទៅជាវិស័យសកម្មមួយក្នុងការកសាង "ខ្សែក្រវាត់មួយនិងផ្លូវមួយ" ហើយកិច្ចសហប្រតិបត្តិការនៃវិស័យនេះមានអនាគតភ្លឺស្វាង។
លោក ShuYinbiao បានបន្តទៀតថា ដល់ឆ្នាំ ២០២៥ តាមរយៈការច្នៃប្រឌិតថ្មីនិងការអភិវឌ្ឍរយៈពេលច្រើនឆ្នាំ ក្នុងវិស័យបច្ចេកវិទ្យា សម្ភារៈបរិក្ខានិងការគ្រប់គ្រង ឧស្សហកម្មថាមពលអគ្គិសនីរបស់ប្រទេសចិននឹងមានឧត្តមភាពលេចធ្លោនិងមានសមត្ថភាពប្រកួតប្រជែងអន្តរជាតិខ្លាំង ព្រមទាំងអាចផ្តល់វិភាគទានវិជ្ជមានដល់ការកែប្រែរចនាបទថាមពលនិងការដោះស្រាយការខ្វះខាតថាមពលអគ្គិសនីសម្រាប់ពិភពលោក៕