ទីក្រុងYin chuanបច្ចុប្បន្នជាទីរួមខេត្តNing xia គឺជាទីកន្លែងរស់នៅដ៏ចំណាស់ដែលស្ថិតនៅភាគពាយ័ព្យប្រទេសចិនបានឆ្លងកាត់ដំណើរវិវឌ្ឍន៍រាប់ពាន់ឆ្នាំក្រោមការស្រោចស្រពនៃទន្លេលឿងដែលជាទន្លេមាតារបស់ប្រទេសចិន ។ បច្ចុប្បន្ន ទីក្រុងដែលពីមុនធ្លាប់ជាកន្លែងមានផ្ទះសង់ពីដីភក់ រស់នៅបែបបុរាណ ប្រជាពលរដ្ឋប្រកបតែរបរដាំដំណាំស្រែចំការនិងចិញ្ចឹមសត្វបន្តិចបន្តួច បាននិងកំពុងវិវឌ្ឍទៅជាទីក្រុងទំនើប និងជាទីក្រុងគំរូសម្រាប់ក្រុងវៃឆ្លាតនៅទូទាំងប្រទេសចិនទៀតផង ។ ក្នុងសកម្មភាព"ដំណើរទស្សនកិច្ចនៅប្រទេសចិនរបស់អ្នកប្រើវេបសាយCRIonlineជាជនបរទេសនៃប្រទេសតាមផ្លូវសូត្រ"សម្រាប់ថ្ងៃទី១៨កញ្ញានេះ យើងបានទៅដកបទពិសោធន៍និងទទួលអារម្មណ៍ពីភាពវៃឆ្លាតនៃទីក្រុងYin chuan ក្នុងពេលដើរចូលទៅក្នុងសាលអ្នកក្រុង ផ្ទាំងអេក្រង់ដ៏ធំមួយបានទាក់ទងក្រសែភ្នែករបស់អ្នកទាំងឡាយ លើផ្ទាំងអេក្រង់យក្សមានចាក់បញ្ចាំងពីរូបភាពរបស់ថ្នាក់ដឹកនាំចិនដែលបានចុះត្រួតពិនិត្យការងារនៅសាលនេះ ដែលជាការសបង្ហាញពីការយកចិត្តទុកដាក់របស់ថ្នាក់ដឹកនាំចំពោះកំណែទម្រង់ផ្នែករដ្ឋបាលរបស់ក្រុងYin chuan ។ នៅពីចំហៀងនៃផ្ទាំងអេក្រង់យក្សនេះ មានទូរកញ្ចក់មួយដែលដាក់តាំងនូវត្រាជាង៥០ ដែលកាលពីមុនផ្នែករដ្ឋបាលនៃក្រុងYin chuan បានប្រើសម្រាប់ប្រដាប់ត្រាលើទម្រង់ការផ្សេងៗ យើងគ្រាន់តែគិតក៏ដឹងដែរថា ការបោះត្រាតាមស្ថាប័ននីមួយៗយើងត្រូវរត់ការយូរប៉ុណ្ណា យ៉ាងតិចក៏មួយខែឬពីរខែដែរ ។ ឯក្រោយការកំណែទម្រង់រួច ត្រាជាង៥០ប្តូរមកតែមួយប៉ុណ្ណោះ ការពិនិត្យទម្រង់ការផ្សេងៗត្រូវការតែពេលពីមួយសប្តាហ៍ទៅដប់ថ្ងៃ ដែលបានកាត់បន្ថយពេលវេលាយ៉ាងច្រើន កាត់បន្ថយទាំងថ្ងៃរត់ការ ចំណេញទាំងពេលវេលា ។ ជាធម្មតា មិនថាប្រជាជននៃប្រទេសណាមួយទេ ជាពិសេសគឺនៅប្រទេសកំពុងអភិវឌ្ឍន៍ គឺតែងតែជួបការលំបាកក្នុងការរត់ឯកសារនិងបំពេញទម្រង់ការផ្សេងៗ ។ ឯក្រុងYin chuan ក្នុងនាមជាទីក្រុងគំរូទីមួយសម្រាប់ឆ្ពោះទៅរកទីក្រុងវៃឆ្លាតនៅភាគពាយព្យប្រទេសចិន បានចាប់ផ្តើមធ្វើកំណែទម្រង់ពីការងាររដ្ឋបាលទៅដោយផ្តល់ភាពងាយស្រួលដល់ប្រជាជននិងពាណិជ្ជករគ្រប់រូប ។ ជាការពិតណាស់ នៅពេលដែលយើងដើរចូលទៅកាន់សាលអ្នកក្រុង មានពលរដ្ឋជាច្រើនកំពុងបំពេញទម្រង់ការប្រកបដោយរបៀបរៀបរយ ។ មន្ត្រីការងារក៏មានភាពរាក់ទាក់ក្នុងការពន្យល់ណែនាំដល់ពលរដ្ឋដែលចម្ងល់ផ្សេងៗ ។ អ្វីដែលគួរឲ្យចាប់អារម្មណ៍គឺថា ក្រៅពីការបំពេញការងារដោយមន្ត្រីការងារ អ្នកក្រុងក៏អាចទៅបំពេញទម្រង់ការមួយចំនួននៅលើកុំព្យូទ័រផងដែរ ឬមួយសឹងតែមិនបាច់ទៅដល់កន្លែងផង គ្រាន់តែបំពេញពេញបណ្តាញអ៊ីនធើណេត ដល់ពេញស្ថាប័នពាក់ព័ន្ធពិនិត្យផ្ទៀងផ្ទាត់រួចនិងចេញជាឯកសារអេឡិចត្រូនិចដែលអាចប្រើប្រាស់បានដូចឯកសារទូទៅផងដែរ ។
ងាកមកមើលពីសាលអ្នកក្រុងនេះវិញ បានប្រមូលផ្តុំនូវមុខងារស្ទើរទាំងអស់សម្រាប់ការបំពេញបែបបទផ្សេងៗដោយមិនបាច់រត់ទៅស្ថាប័នផ្សេងៗដូចមុននោះឡើង តាមរយៈស្នាមញញឹមរបស់ប្រជាពលរដ្ឋដែលបានទៅបំពេញបែបបទរួចយើងអាចដឹងថា ការផ្តល់សេវារដ្ឋបាលដ៏ងាយស្រួលបែបនេះដល់ពួកគាត់បាននាំឲ្យពួកគាត់មានការពេញចិត្តយ៉ាងខ្លាំង ហើយតាមរយៈស្នាមញញឹមដ៏សាមញ្ញនិងកើតចេញដោយឯកឯងនេះផងដែរ យើងក៏បានដឹងថា កំណង់ទម្រង់ផ្នែករដ្ឋបាលរបស់ក្រុងYin chuan គឺជាកំណែទម្រង់ក៏ជោគជ័យមួយលើក ។ ហើយការបំពេញការងាររដ្ឋបាលដោយគួបផ្សំជាមួយបច្ចេសទេសទំនើបនិងថ្មីបែបនេះ ជាកម្លាំងចលករដ៏សំខាន់សម្រាប់ជំរុញឲ្យទីក្រុង Yin chuan ដើរឆ្ពោះទៅរកទីក្រុងវៃឆ្លាត ។
បន្ទាប់ពីការស្វែងយល់ពីសាលអ្នកក្រុងដែលជាកន្លែងផ្តល់សេវាផ្នែករដ្ឋបាលផ្សេងៗដល់អ្នកក្រុងទាំងមូល យើងក៏បានទៅស្វែងយល់ពីកន្លែងមួយទៀតដែលផ្តល់សេវាបម្រើប្រជាពលរដ្ឋ២៤ម៉ោងលើ២៤ម៉ោង នោះគឺសេវាទូរស័ព្ទ12345 ។ សេវាទូរស័ព្ទនេះគឺសម្រាប់ជួយស្រាយចម្ងល់របស់ប្រជាពលរដ្ឋ ក៏ដូចជាស្វែងយល់ពីទុក្ខលំបាករបស់ប្រជាពលរដ្ឋ តើប្រជាពលរដ្ឋលោកមានតម្រូវការអ្វី? មានតែស្វែងយល់ឲ្យបានច្បាស់ទើបអាចដោះស្រាយបញ្ហាជូនប្រជាពលរដ្ឋដោយទាន់ពេលវេលា ការប្រាស័្រយទាក់ទងផ្ទាល់ជាមួយប្រជាពលរដ្ឋបែបនេះ ទើបអាចលើកកម្ពស់ប្រសិទ្ធភាពនិងស័ក្តិសិទ្ធភាពនៃការងាររដ្ឋបាល ។
