សាស្រ្តាចារ្យជំនាញសេដ្ឋកិច្ចចាត់ទុកថា ស្ថេរភាពសេដ្ឋកិច្ចរបស់ចិនបានជះឥទ្ធិផលល្អ​ដល់ការអភិវឌ្ឍកម្ពុជា​
2017-03-07 15:50:28  cri  Web Editor:Sun Lingling

ភ្នំពេញ៖បណ្ឌិតជំនាញវិទ្យាសាស្រ្តសេដ្ឋកិច្ចនៃរាជបណ្ឌិតសភាកម្ពុជាបានបង្ហាញការយល់​ឃើញថា ស្ថេរភាពសេដ្ឋកិច្ចរបស់ចិនបានជះឥទ្ធិពលវេជ្ជមានដល់ការអភិវឌ្ឍកម្ពុជានិង​បណ្តាប្រទេសនានាក្នុងតំបន់តាមរយៈការតភ្ជាប់សម្ព័ន្ធសេដ្ឋកិច្ចរវាងប្រទេសចិននិង​ប្រទេសក្នុងតំបន់ពោលគឺគោលនយោបាយផ្លូវមួយខ្សែរក្រវ៉ាតមួយរបស់ចិនបានចែក​រំលែកផលប្រយោជន៍យ៉ាងច្រើនទៅអោយប្រទេសផ្សេងៗ។ ក្នុងឱកាសអញ្ជើញជា​វាគ្មិនកិត្តិយស ក្នុងកិច្ចពិភាក្សាពិសេសស្តីអំពីមហាសន្និបាតសភាទាំងពីរឆ្នាំ២០១៧ ក្រោម​ប្រធានបទការអភវិឌ្ឍនៃកិច្ចសហប្រតិបត្តិការក្នុងតំបន់ដែលរៀបចំឡើងដោយវិទ្យុមិត្តភាព​កម្ពុជាចិនកាលពីល្ងាចថ្ងៃទី៥មីនានេះ លោកសាស្ត្រាចារ្យ គី សេរីវឌ្ឍន៍ បណ្ឌិតផ្នែក​វិទ្យាសាស្ត្រសេដ្ឋកិច្ច ជាមន្ត្រីស្រាវជ្រាវនៃរាជបណ្ឌិតសភាកម្ពុជានិងជាសាស្ត្រាចារ្យនៃ​សាលាCamEd Business Schoolបានមានប្រសាសន៍ថា គោលនយោបាយផ្លូវមួយខ្សែរ​ក្រវ៉ាតមួយរបស់ចិនគឺជាគោលនយោបាយប្រមូលផ្តុំសេដ្ឋកិច្ចពិភពលោកភ្ជាប់ជាមួយនឹង​សេដ្ឋកិច្ចរបស់ចិន។ លោកបណ្ឌិតបន្តថា ប្រទេសចិនគឺជាដៃរគូល្អ មិត្តល្អ បងប្អូនល្អ និង​ជាអ្នកជិតខាងល្អរបស់កម្ពុជា ដូច្នេះ ចិនរីកចំរើនកម្ពុជា ក៏មានការរីកចំរើនផងដែរ៖​«ដៃរគូល្អគឺផ្តល់ផលប្រយោជន៍អោយគ្នាទៅវិញទៅមក មានន័យថា ចិនមានអ្វីញ៉ាំ នោះ​កម្ពុជាក៏មានរបស់នោះញ៉ាំដែរ។ កម្ពុជាទទួលបានជំនួយនិងប្រាក់កច្ចីក្នុងអត្រាកាប្រាក់​ទាបពីចិនសម្រាប់យកមកអភិវឌ្ឍន៍ហេដ្ឋារចនាសម្ព័ន។ ចំណែកចិនបាននាំចូលនូវ​ផលិតផលរបស់ខ្លួនមកប្រទេសក្នុងអាស៊ាន ចិនក៏បានផលប្រយោជន៍ដែរ»។

    លោកសាស្រ្តាចារ្យបន្ថែមថា ការភ្ជាប់នូវពាណិជ្ជកម្មអន្តរជាតិរបស់ប្រទេសកម្ពុជា​ជាមួយចិនធ្វើឲ្យប្រទេសយើងមានឱកាសនាំចេញផលិតផលរបស់ខ្លួនទៅកាន់ចិនដោយ​មានការអនុគ្រោះពន្ធនាំចូលដូចអង្ករ គ្រឿងសង្ហារឹម ផលិតផលកសិកម្ម និងផលិតផល​ឧស្សហកម្មជាច្រើនទៀត។ ជាមួយគ្នានេះដែរ លោកសាស្ត្រាចារ្យ គី សេរីវឌ្ឍន៍ បណ្ឌិត​ផ្នែកវិទ្យាសាស្ត្រសេដ្ឋកិច្ច ជាមន្ត្រីស្រាវជ្រាវនៃរាជបណ្ឌិតសភាកម្ពុជា ក៏បានរំពឹងថា ​មហាសន្និបាតទាំងពីរមហាសន្និ���ាតសភាទាំងពីរនៃប្រទេសចិន ឆ្នាំ២០១៧ដែលកំពុងចាប់​ផ្តើមនៅដើមខែមីនានេះ នឹងដាក់ចេញនូវគោលនយោបាយថ្មីៗដើម្បីជំរុញឲ្យសេដ្ឋកិច្ចចិន​ឲ្យកាន់តែរីកចម្រើន ជាពិសេសសភាទាំងពីររបស់ប្រទេសចិន និងអនុម័តផែនការបន្តជួយ​គាំទ្រដល់សេដ្ឋកចិ្ចកម្ពុជា ក៏ដូចជាប្រទេសក្នុងតំបន់ផងដែរ៕

ទាក់ទង​ជាមួយ​យើង​ខ្ញុំ