សន្និសីទតុមូលនៃមគ្គុទេ្ទសក៍ប្រព័ន្ធសារព័ត៌មានរបស់វេទិកា Boao បានរៀបចំធ្វើនៅតំបន់ Boao ខេត្តហៃណាន ប្រទេសចិននៅថ្ងៃទី ២២ ខែមីនា ។ សន្និសីទតុមូលនៃមគ្គុទេ្ទសក៍ប្រព័ន្ធសារព័ត៌មានលើកនេះបានអញ្ជើញមគ្គុទេ្ទសក៍ប្រព័ន្ធសារព័ត៌មានចំនួនជិត២០រូបដែលមកពីប្រទេសនានាលើពិភពលោក ដើម្បីពិគ្រោះពិភាក្សាគ្នាអំពី កាលានុវត្តភាពថី្មនៃកិច្ចសហប្រតិបតិ្តការនៃប្រព័ន្ធសារព័ត៌មានអាស៊ី ។
ឯកឧត្តម គឹម គុណវឌ្ឍ អគ្គនាយកទូរទស្សន៍ជាតិកម្ពុជាក្នុងនាមជាមគ្គទេសក៍ប្រព័ន្ធសារព័ត៌មានកម្ពុជាបានអញ្ជើញចូលរួមសន្និសីទតុមូលនៃមគ្គុទេ្ទសក៍ប្រព័ន្ធសារព័ត៌មានរបស់វេទិកា Boao លើកនេះ ។
ឯកឧត្តម គឹម គុណវឌ្ឍ បានថ្លែងថា៖សន្និសីទតុមូលនៃមគ្គុទេសប្រព័ន្ធសារព័ត៌មានរបស់វេទិកាប៉ូអាវបានរៀបចំធ្វើនៅតំបន់ប៉ូអាវខេត្តហៃណានប្រទេសចិននៅថ្ងៃទី២២ខែមីនា សន្និសីទតុមូលនៃមគ្គុទេសប្រព័ន្ធសារព័ត៌មានលើកនេះ បានអញ្ជើញមគ្គុទេសប្រព័ន្ធសារព័ត៌មានជិត២០រូបដែលមកពីប្រទេសនានាលើពិភពលោក ដើម្បីពិគ្រោះពិភាក្សាគ្នាអំពីកាលានុត្តភាពថ្មីនៃប្រព័ន្ធសារព័ត៌មានអាស៊ី ។ ឯកឧត្តម គឹម គុណវឌ្ឍន៍ អគ្គនាយកទូរទស្សន៍ជាតិកម្ពុជា ក្នុងនាមជាមគ្គុទេសប្រព័ន្ធសារព័ត៌មានកម្ពុជាបានអញ្ជើញចូលរួមសន្និសីទតុមូលលើកនេះ ។ ឯកឧត្តម គឹម គុណវឌ្ឍន៍ បានថ្លែងថា ខ្ញុំសូមជំរាបថា សន្និសីទនេះគឺមានសារសំខាន់ណាស់ ដោយសារសុទ្ធសឹងជាអ្នកដឹកនាំនៃវិស័យផ្សព្វផ្សាយ ទាំងវិទ្យុ ទាំងទូរទស្សន៍ ទាំងកាសែត ទាំងព្រឹត្តិប័ត្រ ទាំងទស្សនាវដ្តី ក៏ដូចជាទាំងផ្នែកផ្សព្វផ្សាយទំនើបគឺ New Media សុទ្ធតែមានវត្តមាននៅទីនេះ ហើយអស់លោកទាំងអស់នោះ សុទ្ធតែបានផ្តល់នូវទស្សនៈថ្មីសំរាប់ការបោះជំហានទៅមុខនៅក្នុងកិច្ចសហប្រតិបត្តិការ និងសំរាប់ការឆ្លុះបញ្ជាំងឱ្យឃើញថា យើងនឹងជួបប្រទះនិងអ្វីនៅពេលខាងមុខនេះ ដើម្បីយើងរកវិធីដោះស្រាយ ។ ឯកឧត្តមបានបន្តថា យ៉ាងហោចណាស់ក៏យើងបានដឹងថា ការជួបប្រទះនៅពេលខាងមុខ វាជាបញ្ហាឧបសគ្គអ្វី ហើយយើងមានវិធីអ្វីនៅក្នុងការដោះស្រាយ នេះជាចំណុចទី១ ។ ចំណែកទី២ទៀតគឺយើងដឹងហើយថា សកលលោកបច្ចុប្បន្នមានតំបន់ខ្លះកំពុងតែមានអសន្តិសុខ តំបន់ខ្លះក៏កំពុងតែកើតឡើងនូវបញ្ហាអំពើហឹង្សាដោយប្រដាប់អាវុធ ដូច្នេះហើយប្រព័ន្ធផ្សព្វផ្សាយមានតួនាទីមួយថា ធ្វើយ៉ាងណាឱ្យតំបន់ទាំងអស់នោះ ក្លាយទៅជាតំបន់សុខសន្តិភាព ដើម្បីយើងទាំងអស់គ្នានេះ មានការរួមរស់មួយប្រកបទៅដោយសន្តិភាពដូចគ្នា ។ ដូច្នេះហើយថា តួនាទីនៃប្រព័ន្ធផ្សព្វផ្សាយក្នុងការផ្សព្វផ្សាយពីតំបន់ទាំងអស់នោះ តើផ្សព្វផ្សាយរបៀបណា? ហើយតើឆន្ទៈនៃការចង់បានសន្តិភាពតាមរយៈប្រព័ន្ធផ្សព្វផ្សាយនេះ ផ្តល់ជូនអ្នកស្តាប់ អ្នកមើល និងអ្នកអានរបៀបណា ។ ដូច្នេះនៅក្នុងសន្និសីទតុមូលនៅប៉ូអាវឆ្នាំ២០១៦នេះ ខ្ញុំយល់ថា គឺមានសារសំខាន់ណាស់ ហើយដែលយើងទាំងអស់គ្នាត្រូវតែរួមគ្នាកាន់តែជិតស្និទ្ធគ្នាឡើងថែមទៀត ហើយផ្លាស់ប្តូរនូវទស្សនៈរបស់គ្នាកាន់តែច្រើនឡើងថែមទៀត ដើម្បីធ្វើយ៉ាងណាឱ្យមានការអភិវឌ្ឍន៍មួយ និងផ្តល់នូវសេចក្តីសុខសំរាប់សកលលោក សំរាប់ប្រជាពលរដ្ឋយើង ក៏ដូចជាផ្តល់សេចក្តីសុខដល់ភពផែនដីរបស់យើង ។
