ព្រឹកថ្ងៃទី១៣ខែមីនាបើយោងតាមប្រព័ន្ធសារព័ត៌មានមួយចំនួនដែលនាងខ្ញុំបានដឹងទាក់ទងទៅនឹងសន្និបាតលើកទី៤នៃសភាតំណាងប្រជាជនទូទាំងប្រទេសចិនអាណត្តិទី១២បានបើកធ្វើសន្និសីទពេញអង្គលើកទី៣អំពីការងារតុលាការជាន់ខ្ពស់ប្រជាជនចិនរបស់លោកប្រធានZhouQiangនិងរបាយការណ៍អំពីការងារសាលាអយ្យាការជាន់ខ្ពស់ប្រជាជនចិនរបស់លោកប្រធានCaoJianmingដែលនេះបានធ្វើឲ្យប្រព័ន្ធសារព័ត៌មានក្នុងនិងក្រៅប្រទេសមានការយកចិត្តទុកដាក់យ៉ាងខ្លាំង។
ដោយក្នុងនោះលោកប្រធានតុលាការជាន់ខ្ពស់របស់ប្រទេសចិនបានបង្ហាញថានៅក្នុងឆ្នាំថ្មី២០១៦នេះថាត្រូវធ្វើឲ្យកំណែទម្រង់លើរបបយុត្តិធម៌មានភាពស៊ីជម្រៅជាពិសេសគឺត្រូវជុំរុញទាំងស្រុងចំពោះការសាកល្បងខាងការកំណែទម្រង់ទាំង៤ចំណុចដែលយករបបទទួលខុសត្រូវខាងយុត្តិធម៌ជាស្នូលកែលម្អរបបគួបផ្សំដូចជាការធានាខាងការអនុវត្តមុខងារជាដើម។
ដែលនេះនឹងធ្វើឲ្យប្រជាពលរដ្ឋមិនថាអ្នកមានជីវភាពធូរធាឬអ្នកដែលមានជីវភាពមិនសូវធូរធាគឺអាចទទួលបាននូវភាពយុត្តិធម៌ទទួលបាននូវភាពពេញលេញនៃសេចក្ដីសុខទំនុកចិត្តនឹងភាពជឿជាក់ជាដើមដែលរដ្ឋាភិបាលចិនតែងតែមានការយកចិត្តទុកដាក់ចំពោះប្រជាជនទូទៅ។
