នាងខ្ញុំធ្វើការនៅវិទ្យុអន្តរជាតិប៉េកាំងដែលមានទីស្នាក់ការប្រចាំទីក្រុងប៉េកាំងប្រទេសចិនជាងបីឆ្នាំមកហើយដូច្នេះទាក់ទងទៅនឹងអង្គមហាសន្និបាតទាំង២របស់ប្រទេសចិននាងខ្ញុំក៏បានដឹងច្រើនគួរសមដែរ។ជារៀងរាល់ឆ្នាំនៅដើមខែមីនាប្រទេសចិនតែងតែប្រារព្ធឡើងនូវអង្គមហាសន្និបាតទាំង២នេះ ហើយរដ្ឋាភិបាលចិនក៏តែងតែដាក់ចេញនូវគោលនយោបាយថ្មីដើម្បីលើកកំពស់កម្រិតជីវភាពរស់នៅរបស់ប្រជាជន។
នៅក្នុងសន្និសីទលើកទី៤នៃមហាសន្និបាតតំណាងប្រជាជនទូទាំងប្រទេសចិននីតិកាលទី១២បានរៀបចំនូវសន្និសីទពេញអង្គលើកទី២ ដើម្បីស្ដាប់នឹងពិនិត្យពិក្សាអំពីរបាយការណ៍ការងារនៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសចិន ។
បើតាមគំនិតយោបល់របស់នាងខ្ញុំយល់ថា រាល់ការងារទាំងឡាយ ប្រសិនបើមានគម្រោងហើយមុនអនុវត្តអ្វីដែលសំខាន់គឺត្រូវលើកយកមកពិគ្រោះពិក្សាជាមុនសិនមុនអនុវត្តថាតើនៅមានចន្លោះខ្វះខាតត្រង់ចំណុចណាខ្លះ គួរតែដោះស្រាយដោយរបៀបណាដើម្បីទទួលបានភាពជោគជ័យដោយមិនប៉ះពាល់ដល់អ្នកដ៏ទៃ ។
ម្យ៉ាងវិញទៀតគឺដើម្បីថ្លឹងថ្លែងអោយបានច្បាស់លាស់ថា តើគួរតែលើកយកនូវចំណុចណាខ្លះ ដើម្បីអនុវត្តទៅធ្វើអោយប្រទេសជាតិមានការវិវឌ្ឍន៍ដោយរលូនប្រជាជនរស់នៅប្រកបដោយសេចក្ដីសុខដុមរមនា។
