ថ្ងៃនេះគឺជាថ្ងៃទី០៨ខែមីនាឆ្នាំ២០១៦ ហើយថ្ងៃនេះគឺជាថ្ងៃទី០៦នៃការប្រារព្ធឡើងអង្គមហាសន្និបាតលើកទី៤នៃសភាតំណាងប្រជាជនទូទាំងប្រទេសចិននីតិកាលទី១២ផងដែរ។ចំណែកឯអង្គមហាសន្និបាតលើកទី៤នៃសភាតំណាងប្រជាជនទូទាំងប្រទេសចិននីតិកាលទី១២វិញគឺប្រព្រឹត្តទៅដោយរលូន។
បើយោងទៅតាមប្រភពព័ត៌មានដែលនាងខ្ញុំបានអានគឺនាងខ្ញុំចាប់អារម្មណ៍ទៅលើប្រសាសន៍របស់លោក Wang Yi រដ្ឋមន្ត្រីក្រសួងការបរទេសចិនបានថ្លែងថា "ក្នុងនាមជាមហាប្រទេសទាំងពីរប្រទេសចិននិងប្រទេសអាមេរិកមិនគ្រាន់តែមានកិច្ចសហប្រតិបត្តិការប៉ុណ្ណោះទេ ក្នុងនោះក៏មានជម្លោះដែរ ដែលនេះគឺជារឿងធម្មតាហើយពេលជួបប្រទះនូវរឿងបែបនេះភារកិច្ចដែលសំខាន់ គឺត្រូវប្រឈមមុខដោយផ្ទាល់និងខិតខំដោះស្រាយបញ្ហា ពោលគឺត្រូវពង្រឹងនិងពង្រីកកិច្ចសហប្រតិបត្តិការព្រមពេលជាមួយគ្នាក៏ត្រូវធ្វើការខ្នះខ្នែង ដើម្បីធ្វើឲ្យជម្លោះនិងការខ្វែងគំនិតគ្នាក្លាយទៅជាកិច្ចសហប្រតិបត្តិការវិញ"ដែលនេះនាងខ្ញុំយល់ថាគឺជាចំណុចសំខាន់មិនថាទាក់ទងទៅនិងជីវភាពរស់នៅ ការចងសម្ព័ន្ធមេត្រីភាព ឬក៏រឿងនយោបាយនោះទេ ជម្លោះ ភាពច្រណែនឬក៏ការប្រកួតប្រជែងតែងតែកើតមាន ប្រៀបដូចជា ចានក្នុងរាវដូច្នោះដែរ រាប់អានគ្នាស្រឡាញ់គ្នា រស់នៅជាមួយគ្នា គង់តែរណ្ដំ គង់អីនិងប៉ះទង្គិច ដូច្នេះអ្វីដែលសំខាន់គឺការហ៊ានប្រឈមមុខ ទទួលស្គាល់ការពិត រកដំណោះស្រាយឲ្យបានល្អ ទើបទទួលបានការអភិវឌ្ឍន៍។
