កាលពីប៉ុន្មានថ្ងៃកន្លងមកនេះ នាងខ្ញុំសង្កេតឃើញគ្រប់មជ្ឈដ្ឋាន និងប្រព័ន្ធសារព័ត៌មានតំបន់តៃវ៉ាន់ គឺបានផ្តោតការយកចិត្តទុកដាក់ខ្ពស់ ទៅលើការថ្លែងរបស់លោកស៊ីជីនភីង អគ្គលេខាធិការមជ្ឈិមបក្សកុម្មុយនិស្តចិន និងជាប្រធានរដ្ឋចិន ដែលទាក់ទងទៅនឹងការអភិវឌ្ឍន៍ទំនាក់ទំនងរវាងត្រើយទាំងសងខាង នៃច្រកសមុទ្រតៃវ៉ាន់ នៅក្នុងមហាសន្និបាតលើកទី ៤ នៃសភាតំណាងប្រជាជនទូទាំងប្រទេសចិននីតិកាលទី ១២។
ជាពិសេសទាក់ទងទៅនឹងគោលនយោបាយ ក៏ដូចជាយុទ្ធសាស្ត្រអភិវឌ្ឍន៍ជាតិ ៥ឆ្នាំ ទី១៣ ដែលនេះបានបង្ហាញពីការយកចិត្តទុកដាក់របស់រដ្ឋាភិបាលចិនចំពោះប្រជាជនទូទាំងប្រទេស ពិសេសទាក់ទងទៅនឹងជីវភាពរស់នៅរបស់ប្រជាជន ក៏ដូចជាការអភិវឌ្ឍន៍ប្រទេសជាដើម។
