សេដ្ឋកិច្ច​ចិន​បង្ហាញ​នូវ​សញ្ញា​សកម្ម សន្ទស្សន៍​ជំនឿ​ចិត្ត​របស់​សហគ្រាស​បាន​កើន​ឡើង​យ៉ាង​ខ្លាំង​
2015-11-18 15:50:42  cri  Web Editor:Sun Lingling

      ពេល​កន្លង​ទៅ​នេះ ទីភ្នាក់ងារ​ព័ត៌មាន​ទីផ្សារ​អន្តរជាតិ​MNI ដែល​នៅ​ក្រោម​ឱវាទ​ក្រុមហ៊ុន​ផ្សារ​មូលប័ត្រ​Deutsche B & ouml គ្រុប​របស់​អាល្លឺម៉ង់ បាន​ធ្វើ​ការ​ស្ទង់មិត​ចំពោះ​សហគ្រាស​ចំនួន ២០០ ដែល​ចូល​ផ្សារ​មូលប័ត្រ​នៅ​ក្រុង​សៀងហៃ​និង​សិនជិន លទ្ធផល​បាន​បង្ហាញ​ថា សន្ទស្សន៍​ជំនឿចិត្ត​របស់​សហគ្រាស​ចិន​ក្នុង​ខែ​តុលា​បាន​កើន​ឡើង ៨ ក្បៀស ៣ ភាគ​រយ គឺ​កើន​ឡើង​ពី​៥១,៣​នា​ខែ​កញ្ញា​ដល់ ៥៥,៦ នេះ​គឺជា​សន្ទស្សន៍​ខ្ពស់​បំផុត​តាំងពី​ខែ​មីនា​ឆ្នាំ ២០១១ រៀង​មក ។

      លោក Lijin អនុប្រធាន​វិទ្យាស្ថាន​ស្រាវជ្រាវ​ការ​កែទម្រង់​និង​ការ​អភិវឌ្ឍ​នៃ​សហគ្រាស​ចិន​បាន​ថ្លែង​ថា នេះ​ជា​សញ្ញា​ដ៏​សកម្ម​មួយ បាន​បង្ហាញ​ពី​ទឹកចិត្ត​កាន់តែ​មាន​សុទិដ្ឋិនិយម​របស់​សហគ្រាស​ចំពោះ​ស្ថានការណ៍​សេដ្ឋកិច្ច​ចិន​និង​សកម្មភាព​ធ្វើ​អាជីវកម្ម​របស់​ខ្លួន​ក្នុង​មួយ​រយៈ​កាល​នា​ពេល​អនាគត ។ នៅ​ពេល​មុន​នេះ សន្ទស្សន៍​ជា​ច្រើន​ដែល​ថ្លឹងថ្លែង​នូវ​ជំនឿចិត្ត​របស់​សហគ្រាស​ចិន​ក្នុង​នោះ​រួម​មាន​សន្ទស្សន៍ MNI ផង សុទ្ធតែ​មាន​និន្នាការ​ថយចុះ ។

      លោក Philip Uglow សេដ្ឋវិទូ​ទី ១ នៃ​សន្ទស្សន៍​MNI បាន​ថ្លែង​ថា ភស្តុតាង​បច្ចុប្បន្ន​បង្ហាញ​ថា សហគ្រាស​ចិន​បាន​ទ្រាំទ្រ​នឹង​ការ​សាក​ល្បង​ដ៏​តឹងរ៉ឹង​បំផុត​ក្នុង​ឆ្នាំ ២០១៥ ។ អាច​ព្យាករណ៍​បាន​ថា ទន្ទឹម​នឹង​គោល​នយោបាយ​និង​វិធានការ​កំណែ​ទម្រង់​គ្រប់​ផ្នែក​បាន​ដំណើរការ​ជាបន្តបន្ទាប់ សញ្ញា​សកម្ម​នៃ​សេដ្ឋកិច្ច​ចិន​នឹង​អាច​ពង្រីក​ថែម​ទៀត អនាគត​សេដ្ឋកិច្ច​នៃ​ចិន​នឹង​កាន់តែ​ភ្លឺស្វាង ៕
ទាក់ទង​ជាមួយ​យើង​ខ្ញុំ