- អញ្ជើញចូលរួមសន្និសីទថ្នាក់ដឹកនាំចិននិងអាស៊ាន(១០បូក១)លើកទី១៧និងថ្លែងសុន្ទរកថា
- អញ្ជើញចូលរួមសន្និសីទថ្នាក់ដឹកនាំអាស៊ាននិងចិន ជប៉ុនកូរ៉េខាងខាងត្បូង(១០បូក៣)លើកទី១៧និងថ្លែងសុន្ទរកថា
- អញ្ជើញចូលរួមសន្និសីទកំពូលអាស៊ីបូព៌ាលើកទី៩និងថ្លែងសុន្ទរកថា
- បំពេញទស្សនកិច្ចនៅមីយ៉ាន់ម៉ា--នេះជាលើកទីមួយហើយដែលនាយករដ្ឋមន្ត្រីចិនអញ្ជើញទៅបំពេញទស្សនកិច្ចនៅមីយ៉ាន់ម៉ាតាំងពីបង្កើតរដ្ឋាភិបាលអាណត្តិថ្មីមក
នៅក្នុងកាលវិភាគនៃដំណើរទស្សនកិច្ចរបស់លោកLi Keqiangលើកនេះ ការអញ្ជើញចូលរួមសន្និសីទថ្នាក់ដឹកនាំចិននិងអាស៊ាន១០បូក១ប្រហែលជារឿងមួយដែលត្រូវបានេគយកចិត្តទុកដាក់បំផុត។បើដូច្នេះ អំពីកិច្ចសហប្រតិបត្តិការ១០បូក១នេះ តើប្រជាជននៅបណ្តាប្រទេសអាស៊ាននានាគេយល់ឃើញយ៉ាងដូចម្តេច?
ម៉ាឡេស៊ី
លោកMustapa Mohamedរដ្ឋមន្ត្រីក្រសួងឧស្សាហកម្មនិងពាណិជ្ជកម្មជាមួយបរទេសរបស់ម៉ាឡេស៊ី៖
រយៈកាលកន្លងទៅ តំបន់ពាណិជ្ជកម្មសេរីត្រូវបានបញ្ជាក់ថាជាវេទិកាសហប្រតិបត្តិការសេដ្ឋកិច្ចនិងពាណិជ្ជកម្មដ៏ល្អប្រសើរមួយ តែនៅពេលអនាគត គឺតម្រូវឲ្យយើងលើកកម្ពស់លំដាប់ថ្នាក់នៃតំបន់ពាណិជ្ជកម្មសេរី ដើម្បីធ្វើឲ្យទំនាក់ទំនងលើវិស័យសេដ្ឋកិច្ចនិងពាណិជ្ជកម្មរវាងចិននិងអាស៊ានកាន់តែមានស្ថិរភាព។បច្ចុប្បន្ននេះ រឿងសំខាន់ជាគេគឺយើងត្រូវធ្វើការស្រាវជ្រាវឲ្យបានគ្រប់ជ្រុងជ្រាយក្នុងន័យ ធ្វើឲ្យការលើកកម្ពស់លំដាប់ថ្នាក់នៃតំបន់ពាណិជ្ជកម្មសេរីអាចបន្តរក្សានិម្មាបនកម្មឈ្នះ-ឈ្នះ។សព្វថ្ងៃនេះ លើសកលោកមានការក្រែប្រែយ៉ាងខ្លាំង ១០ឆ្នាំកន្លងទៅ ទូរស័ព្ទដៃឆ្លាតវៃនៅមិនទាន់មានការប្រើប្រាស់ជាទូទៅទេ ឯធុរកិច្ចអេឡិចត្រូនិចក៏កម្រមានដែរ។តែបច្ចុប្បន្ននេះ រឿងទាំងនេះជារឿងសាមញ្ញទៅហើយ។យើងចាំបាច់ត្រូវយកចិត្តទុកដាក់លើការរីកចំរើននៃបច្ចេកវិទ្យាថ្មីនេះ។ការប្រែប្រួលទាំងនេះតម្រូវឲ្យយើងត្រូវលើកកម្ពស់លំដាប់ថ្នាក់នៃតំបន់ពាណិជ្ជកម្មសេរី ដើម្បីឲ្យសមស្របទៅតាមចរន្តនៃយុគសម័យ។
សិងហបូរី
លោកZhou Zhaochengនិពន្ធនាយកនៃគេហទំព័រកាសែតLianHeZaoBaoសិង្ហបូរី៖
ថ្ងៃទី១២ ខែវិចិ្ឆកា លោកLi Keqiangនាយករដ្ឋមន្ត្រីចិនបានចុះផ្សាយអត្ថបទនៅលើទំព័រកាសែតLianHeZaoBao ដោយបានអធិប្បាយជាពិសេសអំពីការអញ្ជើញចូលរួមសន្និសីទកំពូលអាស៊ីបូព៌ានៅមីយ៉ាន់ម៉ាលើកនេះព្រមទាំងទស្សនមួយចំនួនអំពីកិច្ចសហប្រតិបត្តិការរវាងចិននិងអាស៊ីអាគ្នេយ៍ព្រមទាំងអាស៊ាន។ទស្សនៈទាំងនេះបានបង្ហាញពីសុទ្ធចិត្តរបស់ប្រទេសចិនដែលចង់ធ្វើកិច្ចសហប្រតិបត្តិការជាមួយនឹងអាស៊ាន ហើយលើកឡើងនូវមតិយោបល់ជាច្រើនសម្រាប់ពង្រីងកិច្ចសហប្រតិបត្តិការ។ប្រទេសចិនយកចិត្តទុកដាក់យ៉ាងខ្លាំងនូវទំនាក់ទំនងជាមួយនឹងប្រទេសអាស៊ីអាគ្នេយ៍ ហើយក៏បានលើកឡើងនូវគំនិតជាក់ស្តែងមួយចំនួនផងដែរ រួមទាំងបានកសាងមូលនិធិសហប្រតិបត្តិការរវាងចិននិងអាស៊ាន ព្រមទាំងការគាំទ្រចំពោះការកសាងហេដ្ឋារចនាសម្ព័ន្ធនៅប្រទេសអាស៊ានជាដើម។ខ្ញុំគិតថា នៅក្នុងសន្និសីទកំពូលលើកនេះ យុទ្ធសាស្ត្រមានពាក់ព័ន្ធដែលធ្វើឡើងជុំវិញទំនាក់ទំនងរវាងចិននិងអាស៊ានសុទ្ធតែទទួលបានការគាំទ្រពីប្រទេសដែលបានចូលរួមសន្និសីទលើកនេះ។
ថៃ
អ្នកប្រើអ៊ីនធើណេតបានធ្វើការបញ្ចេញមតិនៅលើវេបសាយនៃសារព័ត៌មានជាតិថៃ
លោក លុន ថាវ៉ី ដែលជាអ្នកប្រើអ៊ីនធើណេតមួយរូបបានសរសេរថា កិច្ចប្រជុំកំពូលអាស៊ានលើកនេះ គឺបានគូសបញ្ជាក់អំពីការកសាងសហគមន៍អាស៊ានតែមួយ និងការអភិវឌ្ឍន៍ជានិរន្តរភាព ប្រទេសថៃក្នុងនាមជាប្រទេសសមាជិកភាពមួយនៃអាស៊ានគឺពោរពេញទៅដោយសេចក្តីសង្ឃឹមថា នឹងអាចសម្រេចការអភិវឌ្ឍន៍រួមគ្នា ដោយទទួលបានផលប្រយោជន៍ទៅវិញទៅមកក្នុងពេលឆាប់ៗ ក្រោមក្របខ័ណ្ឌនៃកិច្ចសហប្រតិបត្តិការ ព្រមទាំងអាចដោះស្រាយបញ្ហាផ្លាស់ប្តូរបុគ្គលិកទៅទីចុងបំផុត ។ ហើយឆ្លងតាមរយៈការជំរុញការអភិវឌ្ឍន៍សេដ្ឋកិច្ចដើម្បីពង្រីកឱកាសការងារ ថែមទាំងអាចដោះស្រាយអោយបានល្អប្រសើរនូវបញ្ហាពលករបរទេសរវាងបណ្តាប្រទេសក្នុងតំបន់អាស៊ានទៀតផង ។
លោកស្រី ខាសាយ៉ាណួរ ដែលជា អ្នកប្រើអ៊ីនធើណេតមួយរូបទៀតបាននិយាយថា បច្ចុប្បន្ននេះ លោក ប្រាយុទ្ធ នាយករដ្ឋមន្ត្រីថៃកំពុងខិតខំប្រឹងប្រែងស្វែងរកផ្លូវសម្រាប់ជំរុញសេដ្ឋកិច្ចឱ្យងើបឡើងវិញ ។ ហើយសង្ឃឹមថាឆ្លងតាមកិច្ចប្រជុំលើកនេះ អាចនាំមកនូវឱកាសនៃការអភិវឌ្ឍន៍ថ្មីសម្រាប់ប្រទេសថៃ ។
ឥណ្ឌូនេស៊ី
លោកស្រី អ៊ី ណា ប្រធាននាយកដ្ឋានសហប្រតិបត្តិការអាស៊ាន នៃក្រសួងការបរទេសឥណ្ឌូនេស៊ីបានថ្លែងថា ប្រទេសចិន គឺជាកម្លាំងដ៏សំខាន់មួយសម្រាប់ជំរុញការអភិវឌ្ឍន៍របស់អាស៊ាន ។ ហើយទៅពេលអនាគត ប្រទេសចិននៅតែជាដៃគូសេដ្ឋកិច្ចដ៏សំខាន់របស់អាស៊ានដដែល ។ អាស៊ាននិងចិនសុទ្ធតែសម្គាល់ថា ទំនាក់ទំនងពាណិជ្ជកម្មដែលរឹតតែមានតុល្យភាព និងការចល័តនៃការវិនិយោគ ដែលចេះតែកើនឡើងឥតឈប់ឈរ គឺសមស្របទៅនិងផលប្រយោជន៍រួមរបស់ទ្វេភាគី ។ ប្រទេសចិនតែងតែឆ្លងតាមគម្រោងគ្រប់បែបយ៉ាង និងទំនាក់ទំនងភាពជាដៃគូ ទៅសកម្មជួយដល់អាស៊ានក្នុងការលើកកម្ពស់កម្រិតនៃការតភ្ជាប់គ្នា យើងរំពឹងទុកថា ប្រទេសចិនក្នុងនាមជាប្រទេសដៃគូដ៏សំខាន់ នឹងបន្តវិនិយោគលើគម្រោងនៃការតភ្ជាប់គ្នានិងហេដ្ឋារចនាសម្ព័ន្ធកាន់តែច្រើន ដើម្បីផ្តល់សុភមង្គលកាន់តែច្រើនជូនប្រជាជននៃភាគីទាំងសងខាង ។
ឡាវ
លោក ស៊ីឃន់ ប្រធានការិយាល័យនៃគណៈកម្មាធិការសហប្រតិបត្តិការឡាវ-ចិន និងជាអគ្គលេខាធិការនៃសមាគមមិត្តភាពឡាវ-ចិនរបស់ប្រទេសឡាវបានថ្លែងថា ចិនគឺជាប្រទេសសេដ្ឋកិច្ចធំមួយ នៅក្នុងកិច្ចប្រជុំកំពូលអាស៊ាន កិច្ចប្រជុំអាស៊ានបូក ១ និងកិច្ចប្រជុំអាស៊ានបូក ៣ កាលពីពេលកន្លងទៅ ប្រទេសចិនសុទ្ធតែបានលើកឡើងនូវសេចក្តីផ្តួចផ្តើម ដែលប្រកបដោយលក្ខណៈកសាង ជាពិសេសគឺកាលពីឆ្នាំ២០១៣ប្រទេសចិនបានលើកឡើងនូវការផ្តួចផ្តើមគំនិតដែលធំ និងសំខាន់ជាច្រើន ដូចជា ការកសាងសហគមន៍វាសនាតែមួយរវាងចិន-អាស៊ាន ការកសាងផ្លូវសូត្រលើសមុទ្រនៃសតវត្សន៍ទី២១ ការដំឡើងលំដាប់ថ្នាក់នៃតំបន់សេដ្ឋកិច្ចសេរីចិន-អាស៊ាន និងក្របខ័ណ្ឌកិច្ចប្រតិបតិ្តការ ២ បូក ៧ ជាដើម ។ការអញ្ជើញចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ ដែលបានបើកធ្វើនៅប្រទេសមីយ៉ាន់ម៉ារបស់លោក លី ខឹឈាំង នាយករដ្ឋមន្ត្រីចិនលើកនេះ នឹងជំរុញកិច្ចសហប្រតិបត្តិការជាក់ស្តែងនៅលើគ្រប់វិស័យ និងការតភ្ជាប់គ្នារវាងចិន និងអាស៊ានឲ្យសម្រេចបានដោយគ្រប់ជ្រុងជ្រោយ ហើយប្រកបទៅដោយខ្លឹមសារវិជ្ជមាន ក្នុងន័យជំរុញដល់ចំពោះការជំរុញសន្តិភាព ស្ថិរភាព និងការអភិវឌ្ឍន៍ក្នុងតំបន់ ។
លោក Nguyen Tien Sam អតីតប្រធានមន្ទីរសិក្សាស្រាវជ្រាវអំពីប្រទេសចិន នៃបណ្ឌិតសភាវិទ្យាសាស្ត្រសង្គមវៀតណាម និងជាអ្នកជំនាញការអំពីបញ្ហាប្រទេសចិនបានថ្លែងថា ខ្ញុំមានក្តីសង្ឃឹម ៣ ចំណុច ចំពោះកិច្ចប្រជុំលើកនេះ ។
ទី១ គឺការបង្កើនការជំនឿទុកចិត្តគ្នាផ្នែកនយោបាយរវាងបណ្តាប្រទេសអាស៊ីបូព៌ា ។ ទី២ គឺបង្កើនកិច្ចសហប្រតិបត្តិការរវាងបណ្តាប្រទេសនានាឲ្យបានគ្រប់ជ្រុងជ្រោយ សំដៅលើកកម្ពស់ប្រសិទ្ធភាពជាក់ស្តែង នៃកិច្ចសហប្រតិបត្តិការរវាងវិស័យនីមួយៗ និងគ្រប់ស្រទាប់ជាន់ថ្នាក់ ដែលកិច្ចសហប្រតិបត្តិការនេះ មិនត្រឹមតែរួមបញ្ចូលទាំងកិច្ចសហប្រតិបត្តិការលើផ្នែកនយោបាយ សេដ្ឋកិច្ច វប្បធម៌ និងសង្គមប៉ុណ្ណោះទេ ប៉ុន្តែក៏បូករួមទាំងបញ្ហាការការពារបរិស្ថានការវាយបង្ក្រាបអំពើឧក្រិដ្ឋកម្មឆ្លងដែនជាដើមទៀតផង ។ ទី៣ បន្តគាំពារសន្តិភាព និងស្ថិរភាពក្នុងតំបន់ ៕
