ជាទូទៅរៀងរាល់ឆ្នាំនៅដើមខែមីនាប្រទេសចិនតែងតែប្រារព្ធឡើងនូវមហាសន្និបាតទាំងពីរ ។ នេះគ្រាន់តែជាពាក្សដែលគេហៅកាត់តែប៉ុណ្ណោះបើគេហៅពាក្យពេញវិញគេហៅថាមហាសន្និបាតសភាតំណាងប្រជាជនទូទាំងប្រទេសចិនមួយទៀតគឺមហាសន្និបាតសភាប្រឹក្សានយោបាយប្រជាជនទូទាំងប្រទេសចិន ។ កាលពីនាងខ្ញុំធ្វើការក្នុងវិទ្យុមិត្តភាពកម្ពុជាចិនដែលផ្សាយចេញពីរាជធានីភ្នំពេញក្នុងកម្រិត ៩៦.៥ នាងខ្ញុំក៏ធ្លាប់បានដឹងខ្លះៗដែរអំពីមហាសន្និបាតទាំងពីររបស់ប្រទេសចិនប៉ុន្តែក្នុងកម្រិតតិចតួចតែប៉ុណ្ណោះ ។
ឥឡូវនេះរហូតដល់នាងខ្ញុំបានមកធ្វើការនៅទីក្រុងប៉េកាំងហើយបានធ្វើកម្មវិធីស្ដីពីមហាសន្និបាតទាំងពីររបស់ប្រទេសចិនតាមរយស្ថានីយវិទ្យុមិត្តភាពកម្ពុជាចិនធ្វើឲ្យនាងខ្ញុំមានការស្វែងយល់បន្ថែមទៀតដែលទាក់ទងទៅនឹងតួនាទីរបស់សភាទាំងពីរហើយក៏បានដឹងពីការជ្រើសតាំងប្រធានរដ្ឋក៏ដូចជាអនុប្រធានរដ្ឋនឹងនាយករដ្ឋមន្ត្រីក៏ដូចជាឧបនាយករដ្ឋមន្ត្រីគឺមួយអាណត្តិ៥ឆ្នាំដូចនៅស្រុកខែ្មរដែរ ។
មួយវិញទៀតសំរាប់ប្រជាជនដែលមានសមត្ថភាពអាកប្បកិរិយាល្អជាបុគ្គលគំរូក្នុងភូមិសង្កាត់ដូច្នេះប្រជាជនក្នុងភូមិសង្កាត់ហ្នឹងអាចបោះឆ្នោតឲ្យបុគ្គលនោះដើម្បីធ្វើជាតំណាងក្នុងសង្កាត់តែម្ដងនេះគេហៅថាការជ្រើសតាំងដោយចំពោះ ។
