១៥ - តុលាការអន្តរជាតិចេញសាលដីកាអំពីជម្លោះអធិបតេយ្យភាពនៅប្រាសាទព្រះវិហារដែលស្ថិតនៅជាប់ព្រំដែនរវាងប្រទេសកម្ពុជានិងថៃ
2013-12-12 15:08:13 cri Web Editor:Wang Xing
ថ្ងៃទី ១១ ខែវិច្ឆិកា តុលាការអន្តរជាតិឡាអេបានចេញសាលដីកាអំពីជម្លោះអធិបតេយ្យភាពនៅប្រាសាទព្រះវិហារដែលស្ថិតនៅជាប់ព្រំដែនរវាងប្រទេសកម្ពុជានិងថៃ និងធ្វើការបកស្រាយយ៉ាងលម្អិតចំពោះសាលដីកាអំពីជម្លោះព្រំដែននេះនាឆ្នាំ១៩៦២ដែលចេញដោយតុលាការនេះ ដោយបានកំណត់ពីខ័ណ្ឌសីមានៃតំបន់ប្រាសាទព្រះវិហាទាំងមូល និងកាត់ក្តីថាប្រទេសកម្ពុជាមានអធិបតេយ្យភាពទឹកដីទាំងស្រុងនៅតំបន់ប្រាសាទព្រះវិហារ ហើយប្រទេសថៃមានកាតព្វកិច្ចដកទ័ពនិងប៉ូលិសទាំងអស់ដែលប្រចាំនៅទីនោះចេញពីតំបន់នេះ។ក្រោយពីធ្វើប្រកាសសាលដីកា ភាគីកម្ពុជាបានសម្តែងការពេញចិត្ត រីឯភាគីថៃក៏បានសម្តែងនូវការពេញចិត្តដែរ។ ភាគីថៃបានឲ្យដឹងថា តុលាការអន្តរជាតិបានបដិសេធការទាមទាររបស់ភាគីកម្ពុជាអំពីការចង់បានអធិបតេយ្យភាពលើផ្ទៃដីទំហំ ៤,៦ គីឡូម៉ែត្រនៅក្បែរប្រាសាទព្រះវិហារ ហើយកាត់ក្តីឲ្យភាគីកម្ពុជាទទួលបាននូវផ្ទៃដីដែលមានទំហំតូចនៅក្បែរប្រាសាទព្រះវិហារ ឯទំហំផ្ទៃដីកំពុងតែគណនា ។