ថ្ងៃទី១១ខែឧសភា លោកស្រី Angela Merkel នាយករដ្ឋមន្ត្រីអាល្លឺម៉ង់បានថ្លែងថា សហរដ្ឋអាមេរិកសម្រេចដកខ្លួនចេញពីកិច្ចព្រមព្រៀងគ្រប់ជ្រុងជ្រោយស្តីពីបញ្ហានុយគ្លេអ៊ែរអ៊ីរ៉ង់បានបំផ្លាញការជឿទុកចិត្តក្នុងរបៀបរៀបរយអន្តរជាតិ ។ ព្រមជាមួយគ្នានេះ លោកស្រីបានគូសបញ្ជាក់ថា ប្រទេសអាល្លឺម៉ង់នឹងបន្តបង្កើនកិច្ចសហប្រតិបត្តិការពហុភាគីអន្តរជាតិ ។
ថ្ងៃដដែល លោកស្រី Angela Merkel បានថ្លែងសុន្ទរកថានៅក្នុងសកម្មភាពមួយដែលបើកធ្វើនៅក្រុង Muenster ដែលឋិតនៅភាគពាយព្យប្រទេសអាល្លឺម៉ង់ថា សហរដ្ឋអាមេរិកសម្រេចដកខ្លួនចេញពីកិច្ចព្រមព្រៀងនុយគ្លេអ៊ែរអ៊ីរ៉ង់និងដកខ្លួនចេញពីកិច្ចព្រមព្រៀងក្រុងប៉ារីសបាននាំមកនូវសម្ពាធចំពោះកិច្ចសហប្រតិបត្តិការពហុភាគីនិយមអន្តរជាតិ ។ ក្នុងសភាពការណ៍គ្មានសហរដ្ឋអាមេរិក តើអ៊ីរ៉ង់អាចបន្តអនុវត្តកិច្ចព្រមព្រៀងឬអត់ នៅតែត្រូវការរង់ចាំពិនិត្យសង្កេតមើល ។ លោកស្រីបានថ្លែងថា ទោះបីស្ថិតក្នុងអំឡុងពេលដ៏លំបាក អាល្លឺម៉ង់នៅតែនឹងប្រកាន់ខ្ជាប់ដើម្បីបង្កើនកិច្ចសហប្រតិបត្តិការពហុភាគីនិយមអន្តរជាតិដដែល ។
