តបតាមសេចក្តីអញ្ជើញរបស់លោក Joko Widodo ប្រធានាធិបតីឥណ្ឌូណេស៊ី លោកលីខឺឈាង នាយករដ្ឋមន្ត្រីចិនបានអញ្ជើញទៅដល់ក្រុងហ្សាការតាដើម្បីបំពេញទស្សនកិច្ចជាផ្លូវការនៅប្រទេសឥណ្ឌូណេស៊ីនៅថ្ងៃទី៦ ខែឧសភា។អំឡុងពេលដំណើរទស្សនកិច្ចនៅប្រទេសឥណ្ឌូណេស៊ី លោកលីខឺឈាងនឹងបំពេញទស្សនកិច្ចនៅលេខាធិការដ្ឋានអាស៊ាននៅក្រុងហ្សាការតានិងអញ្ជើញចូលរួមពិធីចាប់ដំណើរការអបអរសាទរនៃខួបទី១៥នៃការបង្កើតទំនាក់ទំនងភាពជាដៃគូយុទ្ធសាស្រ្តរវាងចិននិងអាស៊ាន ហើយធ្វើការផ្លាស់ប្តូរមតិគ្នាយ៉ាងស៊ីជម្រៅជាមួយអគ្គលេខាធិការអាស៊ានស្តីពីទំនាក់ទំនងរវាងចិននិងអាស៊ានព្រមទាំងកិច្ចសហប្រតិបត្តិការក្នុងតំបន់ផងដែរ។ពេលផ្តល់បទសម្ភាសន៍ជាពិសេសជាមួយអ្នកយកព័ត៌មានរបស់វិទ្យុយើង លោក Huang Xi lian ឯកអគ្គរដ្ឋទូតចិនប្រចាំនៅសមាគមអាស៊ានបានលើកឡើងថា ប្រទេសចិននិងអាស៊ាននឹងផ្តោតសំខាន់ទៅលើការបង្កើននិងធ្វើឲ្យកិច្ចសហប្រតិបត្តិការក្នុងវិស័យជាគន្លឹះទាំង៣ក្នុងពេលអនាគត រួមមានទាំង សន្តិសុខខាងនយោបាយ សេដ្ឋកិច្ចនិងពាណិជ្ជកម្មនិងការផ្លាស់ប្តូរខាងវប្បធម៌នៃមនុស្សជាតិថែមទៀត៕
