ប្រយោគគន្លឹះ-រយៈពេល៤០ឆ្នាំនៃកំណែទម្រង់និងការបើកទូលាយ
ក្នុងរយៈពេល៤០ឆ្នាំកន្លងទៅនេះ ប្រជាជនចិនបានធ្វើការតស៊ូព្យាយាមយ៉ាងលំបាកលំបិន និងខិតខំប្រឹងប្រែងយ៉ាងមុតមាំជាប់រហូត ដែលរំដោះនិងអភិវឌ្ឍយ៉ាងខ្លាំងនូវសមត្ថភាពផលិតកម្មសង្គមរបស់ប្រទេសចិន ។
ក្នុងរយៈពេល៤០ឆ្នាំកន្លងទៅនេះ ប្រជាជនចិនបានស្វែងរកភាពរីកចម្រើនដោយឆន្ទៈមោះមុតជាប់រហូត ដែលបានត្រួសត្រាយផ្លូវសង្គមនិយមប្រកបដោយលក្ខណៈពិសេសរបស់ចិន ។
ក្នុងរយៈពេល៤០ឆ្នាំកន្លងទៅនេះ ប្រជាជនចិនបានខិតខំប្រឹងប្រែងដើរសំដៅទៅមុខឲ្យទាន់នឹងយុគសម័យជាប់រហូត ដែលបង្ហាញយ៉ាងពេញលេញនូវកម្លាំងប្រទេសចិន ។
ក្នុងរយៈពេល៤០ឆ្នាំកន្លងទៅនេះ ប្រជាជនចិនបានបើកទូលាយចំពោះពិភពលោកជាប់រហូត ដែលរួមចំណែកយ៉ាងសកម្មនូវតួនាទីរបស់ប្រទេសចិន ។
កំណែទម្រង់និងការបើកទូលាយរបស់ប្រទេសចិនចាំបាច់ត្រូវទទួលបានភាពជោគជ័យ ហើយក៏ប្រាកដជានឹងទទួលបានជោគជ័យមិនខាន!
ប្រយោគគន្លឹះ-យុគ្គសម័យថ្មី បេសកកម្មថ្មី
ប្រជាជនចិននឹងបន្តពង្រឹងសមត្ថភាពរបស់ខ្លួនឥតឈប់ឈរនិងការធ្វើច្នៃប្រឌិតថ្មីដោយខ្លួនឯងតទៅទៀត។
ប្រជាជនចិននឹងបន្តធ្វើការច្នៃប្រឌិតថ្មីដោយក្លាហាននិងជំរុញការអភិវឌ្ឍតទៅទៀត។
ប្រជាជនចិននឹងបន្តពង្រីកការបើកទូលាយនិងបង្កើនកិច្ចសហប្រតិបត្តិការតទៅទៀត។
ប្រជាជនចិននឹងបន្តដើរទន្ទឹមនឹងពិភពលោកដើម្បីរួមចំណែកកាន់តែច្រើនចំពោះមនុស្សជាតិតទៅទៀត។
ប្រយោគគន្លឹះ-សន្តិភាពនិងការអភិវឌ្ឍ
-សន្តិភាពនិងការអភិវឌ្ឍជាសំឡេងដួងចិត្តរួមរបស់ប្រជាជននៃបណ្តាប្រទេសលើពិភពលោក គំនិតសង្គ្រាមត្រជាក់ ការប្រកួតប្រជែងដោយផលបូកសូន្យគឺជាគំនិតចាស់កម្រឹល ភាពក្រអឺតក្រអោងឬស្វែងរកតែផលប្រយោជន៍ផ្ទាល់ខ្លួនមានតែជួបនឹងឧបសគ្គនៅគ្រប់ទីកន្លែង ។
-នរណាមិនទទួលយកកំណែទម្រង់ នរណាច្រានចោលការច្នៃប្រឌិតថ្មី អ្នកនោះក៏នឹងធ្លាក់ក្នុងភាពអន់ថយនៅពីក្រោយយុគសម័យ ដែលនឹងត្រូវប្រវត្តិសាស្ត្រជម្រុះចោល ។
-មិនថាប្រទេសចិនអភិវឌ្ឍដល់កម្រិតណាក្តី ក៏សុទ្ធតែមិនបង្កជាការគំរាមកំហែងដល់អ្នកដទៃ មិនធ្វើវិទ្ធង្សនាប្រព័ន្ធអន្តរជាតិដែលអនុវត្តក្នុងពេលបច្ចុប្បន្ន និងមិនស្វែងរកការកសាងក្របខ័ណ្ឌអំណាចនោះទេ ។ ប្រទេសចិនជាស្ថាបនិកសន្តិភាពពិភពលោក ជាអ្នករួមចំណែកដល់ការអភិវឌ្ឍនៃពិភពលោកទាំងមូលនិងជាអ្នកគាំពាររបៀបរៀបរយអន្តរជាតិជាប់ជានិច្ច ។
ប្រយោគគន្លឺះ-ការពង្រីកការបើកទូលាយចំពោះអន្តរជាតិ
បន្ធូរបន្ថយកម្រិតធំនូវការអនុញ្ញតឲ្យចូលទីផ្សារចិន បង្កើតបរិយាកាសវិនិយោគកាន់តែមានកម្លាំងទាក់ទាញ បង្កើនការការពារកម្មសិទ្ធិបញ្ញានិងពង្រីកការនាំចូលដោយម្ចាស់ការ។
រាល់វិធានការសំខាន់ៗស្តីពីការបើកទូលាយចំពោះអន្តរជាតិ យើងខ្ញុំនឹងអនុវត្តដោយជាក់ស្តែងក្នុងពេលឆាប់ៗ ឲ្យបានកាន់តែលឿនកាន់តែល្អ យើងខ្ញុំនឹងធ្វើការខិតខំដើម្បីឲ្យសមិទ្ធផលនៃការបើកទូលាយមានអំណោយផលដល់សហគ្រាសនិងប្រជាជនចិនរហូតដល់សហគ្រាសនិងប្រជាជនលើពិភពលោកក្នុងពេលឆាប់ៗ។
ទ្វារបើកទូលាយនៃប្រទេសចិននឹងមិនបិទទេ មានតែបើកកាន់តែធំទៅៗ!
ការអភិវឌ្ឍនៃសេដ្ឋកិច្ចប្រទេសចិនក្នុងអំឡុងពេល៤០ឆ្នាំកន្លងទៅគឺទទួលក្រោមល័ក្ខខ័ណ្ឌបើកទូលាយ សេដ្ឋកិច្ចនៃប្រទេសចិននាពេលអនាគតបើចង់សម្រេចបាននូវការអភិវឌ្ឍដោយគុណភាពខ្ពស់ ក៏ចាំបាច់ត្រូវតែប្រព្រឹត្តិទៅក្រោមល័ក្ខខ័ណ្ឌកាន់តែបើកទូលាយថែមទៀតដែរ។
ប្រយោគគន្លឹះ-រួមគ្នាត្រួសត្រាយអនាគតដ៏ល្អបវរ
សុភមង្គលនិងអនាគតដ៏ល្អបវរមិនមែនបង្ហាញចេញមកដោយឯកឯងនោះទេ ភាពជោគជ័យគឺជារបស់មនុស្សដែលប្រកបដោយភាពអង់អាចក្លាហាននិងការប្តេជ្ញាចិត្តយ៉ាងមុតមាំព្រមទាំងមានភាពឧស្សាហ៍ព្យាយាមជាប់ជានិច្ច ។ យើងនឹងបន្តប្រកាន់ខ្ជាប់ការបើកទូលាយនិងឈ្នះ-ឈ្នះ ហ៊ានធ្វើកំណែទម្រង់និងការច្នៃប្រឌិតថ្មី ដើរឆ្ពោះទៅកាន់គោលដៅអំពីការបង្កើតសហគមន៍រួមវាសនាតែមួយរបស់មនុស្សជាតិជាបន្តបន្ទាប់ ដើម្បីរួមគ្នាត្រួសត្រាយអនាគតដ៏ល្អបវររបស់អាស៊ីនិងពិភពលោក ។
ប្រយោគគន្លឹះ-គំនិតផ្តួចផ្តើមខែ្សក្រវ៉ាត់មួយនិងផ្លូវមួយ
