ក្នុងពេលថ្លែងសុន្ទរកថាក្នុងវេទិកាអាស៊ីក្រុងប៉អៅនៅថ្ងៃទី១០ខែមេសា លោកស៊ីជីនភីងប្រធានរដ្ឋចិនបានលើកឡើងថា រយៈពេល៤០ឆ្នាំមកនេះ ប្រទេសចិនបានសម្រេចដោយជោគជ័យនូវការបើកទូលាយដោយគ្រប់ជ្រុងជ្រោយ បានបង្ហាញនូវករណីយកិច្ចជាប្រទេសធំក្នុងការបើកទូលាយចំពោះបរទេសដោយវិវឌ្ឍពីការនាំចូលពីក្រៅប្រទេសដល់ការនាំចេញទៅក្រៅប្រទេស វិវឌ្ឍពីការចូលជាសមាជិកនៃអង្គការពាណិជ្ជកម្មពិភពលោកដល់ការរួមគ្នាកសាង"ខ្សែក្រវាត់មួយនិងផ្លូវមួយ" ប្រទេសចិនបានរួមចំណែកដ៏សំខាន់ក្នុងការទប់ទល់នឹងវិបត្តិហិរញ្ញវត្ថុអាស៊ីនិងវិបត្តិហិរញ្ញវត្ថុអន្តរជាតិ អត្រារួមចំណែកដល់កំណើនសេដ្ឋកិច្ចពិភពលោករបស់ប្រទេសចិនបានលើសពី៣០%ក្នុងរយៈពេលជាច្រើនឆ្នាំជាប់ៗគ្នា ប្រទេសចិនបានក្លាយទៅជាយុថ្កានិងជាប្រភពកម្លាំងចលករដ៏សំខាន់សម្រាប់ការលំនឹងកំណើនសេដ្ឋកិច្ចពិភពលោកដែលបានជំរុញបុព្វហេតុដ៏ឧដុង្គឧត្តមស្តីពីសន្តិភាពនិងការអភិវឌ្ឍរបស់មនុស្សជាតិ។ការកែទម្រង់និងបើកទូលាយជាការបដិវត្តន៍លើកទី២របស់ប្រទេសចិនដែលបានសម្របទៅតាមសំណូមពរប្រវត្តិសាស្ត្រដែលប្រជាជនចង់បានការអភិវឌ្ឍ ចង់បានការច្នៃប្រឌិតថ្មីនិងចង់បានជីវភាពល្អបវរ ពោលគឺបានស៊ីសង្វាក់គ្នាជាមួយចរន្តយុគសម័យរបស់ប្រជាជននៃប្រទេសនានាលើពិភពលោកស្តីពីការចង់បានការអភិវឌ្ឍ ចង់បានកិច្ចសហប្រតិបត្តិការនិងចង់បានជីវភាពរស់នៅប្រកបដោយសុខសន្តិភាព៕
 |  |  |  |  |  |
