ពីថ្ងៃទី ៨ ដល់ថ្ងៃទី ១១ ខែមេសា សនិ្នសីទប្រចាំឆ្នាំនៃវេទិកាអាស៊ីក្រុងប៉អៅបានប្រារព្ធធ្វើនៅក្រុង ប៉អៅ នៃខេត្តហៃណាម ។ សន្និសីទឆ្នាំនេះនឹងធ្វើឡើងក្រោមប្រធានបទ "អាស៊ីដែលបើកទូលាយនិងច្នៃប្រឌិតថ្មី ពិភពលោកដែលមានភាពរុងរឿងនិងវឌ្ឍនភាព" ។ អ្នកជំនាញនិងបញ្ញវន្តនៃបណ្តាប្រទេសសុទ្ធតែរំពឹងត្រង់ស្តាប់សម្លេងរបស់វេទិកាប៉អៅ សម្លេងរបស់ប្រទេសចិនក៏ដូចជាសម្លេងរបស់អាស៊ីស្តីពីការរួមគ្នាពិគ្រោះពិភាក្សាពីផែនការអភិវឌ្ឍន៍និងឈ្នះ-ឈ្នះ និងរួមគ្នារិះរកគោលនយោបាយល្អសម្រាប់ការអភិវឌ្ឍនិងវិបុលភាពផងដែរ ។
លោក សុខ ស៊ីផាន់ណា ទីប្រឹក្សារដ្ឋាភិបាលកម្ពុជានិងជាអ្នកទទួលខុសត្រូវនៃលេខាធិការដ្ឋានកម្ពុជាក្នុងកិច្ចសហប្រតិបតិ្តការទម្លេមេគង្គ-ឡានឆាងបានសម្គាល់ថា បច្ចុប្បន្ននេះ ស្ថានការអន្តរជាតិនិងសេដ្ឋកិច្ចពិភពលោកកំពុងតែកើតឡើងបម្រែបម្រួលយ៉ាងជ្រាលជ្រៅនិងស្មុគស្មាញ ប្រឈមនឹងបម្រែបម្រួលទាំងនេះ វេទិកាអាស៊ីក្រុងប៉អៅនឹងជិះឥទ្ធិពលយ៉ាងទូលំទូលាយទៅលើកំណើនសេដ្ឋកិច្ចពិភពលោក និងការគ្រប់គ្រងបញ្ហានៅលើពិភពលោក ហើយគោលនយោយបាយរបស់ប្រទេសចិនស្តីពីកំណែទម្រង់និងបើកទូលាយក៏ដូចជាការអភិវឌ្ឍដោយសនិ្តភាពក៏នឹងមានអំណោយផលដល់អាស៊ីនិងពិភពលោកផងដែរ ។ "ដំណោះស្រាយបញ្ហាអភិវឌ្ឍន៍របស់ពិភពលោកទាំងមូល ប្រហែលប្រទេសចិនគឺជាចម្លើយ"
លោក លី យីនឡើង អ្នកជំនាញអំពីបញ្ហាអន្តរជាតិនៃវិទ្យាស្ថានអភិវឌ្ឍនិងរដ្ឋបាលជាតិថៃបានសង្កេតឃើញថា បច្ចុប្បន្ននេះ ចំណុចសំខាន់នៃការអភិវឌ្ឍសេដ្ឋកិច្ចពិភពលោកកំពុងប្តូរទៅកាន់ទិសខាងកើត អាស៊ីនិងអង្គភាពសេដ្ឋកិច្ចងើបឡើងថ្មីនៅលើពិភពលោកបានប្រឈមនឹងកាលានុវត្តភាពនិងការសាកល្បងនៃការលើកកម្ពស់កម្រិតខ្ពស់រចនាសម័្ពន្ធសេដ្ឋកិច្ច ដូច្នេះហើយបានជាប្រទេសនានាសុទ្ធតែបានលើកឡើងថា ផែនការអភិវឌ្ឍន៍ដែលជំរុញដោយការច្នៃប្រឌិតថី្មនឹងនាំមកនូវភាពរុងរឿងខាងសេដ្ឋកិច្ចជានិរន្តរភាពដល់ពិភពលោក ។
លោក វីលាន អូហ្វហួត អ្នកស្រាវជ្រាវជាន់ខ្ពស់នៃមជ្ឈមណ្ឌលអាស៊ីរបស់សកលវិទ្យាល័យ Harvard សហរដ្ឋអាមេរិកសម្គាល់ថា វេទិកាប៉អៅបានក្លាយទៅជាវេទិកាសំខាន់ក្នុងតំបន់ដែលប្រកបដោយអត្ថន័យពិភពលោកទាំងមូល ហើយកំពុងក្លាយជាវេទិកាសេដ្ឋកិច្ចពិភពលោកក្នុងទ្វីបអាស៊ីផងដែរ ។ សនិ្នសីទឆ្នាំនេះនឹងពិគ្រោះពិភាក្សាពីការអភិវឌ្ឍដែលជំរុញដោយការច្នៃប្រឌិតថ្មី នេះគឺជាកម្លាំងជំរុញដ៏សំខាន់សម្រាប់ឲ្យអង្គភាព សេដ្ឋកិច្ចអាស៊ីទទួលបានជោគជ័យដ៏យូរអង្វែង ៕
