យោងតាម"ការកំណត់មួយចំនួនរបស់ការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនស្តីពីការពង្រឹងនិងគាំពារការដឹកនាំដោយប្រមូលផ្តុំនិងឯកភាពរបស់មជ្ឈិមបក្សកុម្មុយនិស្តចិន" ជារៀងរាល់ឆ្នាំ សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិននឹងរាយការណ៍ពីការងារក្នុងតួនាទីរបស់ខ្លួនម្តងជូនមជ្ឈិមបក្សនិងលោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន។នេះគឺជាការរៀបចំចាត់ចែងដ៏សំខាន់សម្រាប់ពង្រឹងនិងគាំពារការដឹកនាំដោយប្រមូលផ្តុំនិងឯកភាពរបស់មជ្ឈិមបក្សកុម្មុយនិស្តចិនចាប់ពីសមាជបក្សកុម្មុយនិស្តចិនលើកទី១៩មក។ពេលកន្លងទៅថ្មីៗនេះ សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានរាយការណ៍ជាលាយលក្ខណ៍អក្សរអំពីការងារក្នុងតួនាទីរបស់ខ្លួនជូនមជ្ឈិមបក្សនិងលោកអគ្គលេខាធិការបក្សស៊ីជីនភីង។លោកស៊ីជីនភីងបានពិនិត្យយ៉ាងផ្ចត់ផ្ចង់នូវរបាយការណ៍របស់សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិននិងបានគូសបញ្ជាក់ថា សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនម្នាក់ៗចាំបាច់ត្រូវកុំបំភ្លេចគោលបំណងដើម និងចង់ចាំបេសកកម្មរបស់ខ្លួន កសាងចរិយាសម្បត្តិស្អាតស្អំ សាមគ្គីនិងដឹកនាំកម្មាភិបាលដឹកនាំគ្រប់ជាន់ថ្នាក់និងប្រជាជនមហាជនទូទៅតាមរយៈការអនុវត្តជាក់ស្តែង សាមគ្គីគ្នាជាធ្លុងមួយ ខំប្រឹងតស៊ូប្រយុទ្ធដើម្បីសម្រេចគោលដៅមួយសតវត្សន៍ទាំង២៕