មហាសន្និបាតលើកទីមួយនៃសភាប្រឹក្សានយោបាយប្រជាជនទូទាំងប្រទេសចិននីតិកាលទី១៣បានរៀបចំធ្វើនៅក្រុងប៉េកាំងពីថ្ងៃទី ៣ ដល់ថ្ងៃទី ១៥ ខែមីនា ឆ្នាំ២០១៨ ។
មហាសន្និបាតនេះបានបញ្ជាក់ថា សភាប្រឹក្សានយោបាយប្រជាជនទូទាំងប្រទេសចិនគួររៀនសូត្រនិងអនុវត្តតាមស្មារតីនៃសមាជបក្សកុម្មុយនិស្តចិនលើកទី ១៩ ជាភារកិច្ចនយោបាយចម្បង ផ្តោតសំខាន់ទៅលើការរៀនសូត្រនិងអនុវត្តគំនិតសង្គមនិយមដែលមានលក្ខណៈពិសេសចិនក្នុងយុគសម័យថ្មីរបស់លោកប្រធានរដ្ឋ XiJinping ជាអាទិភាព គាំពារយ៉ាងម៉ឺងម៉ាត់នូវឋានៈស្នូលរបស់លោក XiJinping អគ្គលេខាធិការនៃគណៈកម្មាធិការមជ្ឈិមបក្ស រួមគ្នាខិតខំប្រឹងប្រែងដើម្បីសម្រេចឲ្យបាននូវគោលដៅនិងភារកិច្ចដែលបានកំណត់ដោយសមាជបក្សកុម្មុយនិស្តចិនលើកទី១៩ ។
មហាសន្និបាតបានអំពាវនាវដល់ស្ថាប័នគ្រប់ស្រទាប់ជាន់ថ្នាក់និងអង្គភាពនានានៃសភាប្រឹក្សានយោបាយប្រជាជនទូទាំងប្រទេសក៏ដូចជាសមាជិកនានានៃសភាប្រឹក្សានយោបាយ ឲ្យរួមសាមគ្គីគ្នាកាន់តែជិតស្និទ្ធជុំវិញគណៈកម្មាធិការមជ្ឈិមបក្សកុម្មុយនិស្តចិនដែលចាត់ទុកលោកXiJinpingជាស្នូល ។ ខំប្រឹងតស៊ូក្រោមការណែនាំរបស់គំនិតសង្គមនិយមដែលមានលក្ខណៈពិសេសចិនក្នុងយុគសម័យថ្មីរបស់លោក XiJinping ដើម្បីសម្រេចឲ្យបាននូវសុបិនចិនស្តីពីការស្តារភាពរុងរឿងដ៏មហិមារបស់ប្រជាជាតិចិន ។