ពេលចូលរួមក្នុងសន្និសីទពេញអង្គនៃគណៈប្រតិភូកងទ័ពរំដោះនិងកងប៉ូលិសប្រដាប់អាវុធនៃមហាសន្និបាតលើកទីមួយនៃសភាតំណាងប្រជាជនទូទាំងប្រទេសចិននីតិកាលទី១៣ លោក XiJinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋនិងជាប្រធានគណៈកម្មាធិការយោធាមជ្ឈិមចិនបានបញ្ជាក់ថា ការអនុវត្តយុទ្ធសាស្ត្រអភិវឌ្ឍដោយចុះសម្រុងគ្នារវាងកងទ័ពនិងប្រជាជនជាជម្រើសដ៏ចាំបាច់ក្នុងការធ្វើសមាហរណកម្មនៃប្រព័ន្ធនិងសមត្ថភាពយុទ្ធសាស្ត្រជាតិ ហើយក៏ជាជម្រើសដ៏ចាំបាច់ក្នុងការសម្រេចឲ្យបាននូវគោលដៅនៃបក្សកុម្មុយនិស្តចិនស្តីពីយោធាខ្លាំងក្នុងយុគសម័យថ្មី ដូច្នេះត្រូវបង្កើនការដឹកនាំផ្នែកយុទ្ធសាស្ត្រ បង្កើនកំណែទម្រង់និងការច្នៃប្រឌិតថ្មី ខិតខំប្រឹងប្រែងបង្កើតស្ថានការណ៍ថ្មីសម្រាប់អភិវឌ្ឍដោយស៊ីជម្រៅនូវការចុះសម្រុងគ្នារវាងកងទ័ពនិងប្រជាជនក្នុងយុគសម័យថ្មី ដើម្បីផ្តល់កម្លាំងចលករយ៉ាងខ្លាំងនិងជាការគាំទ្រផ្នែកយុទ្ធសាស្ត្រក្នុងការសម្រេចឲ្យបាននូវសុបិនចិនក៏ដូចជាសុបិនយោធាខ្លាំង ។