កាលពីថ្ងៃទី ១១ ខែមីនា មហាសន្និបាតលើកទី ១ នៃសភាតំណាងប្រជាជនទូទាំងប្រទេសចិននីតិកាលទី ១៣បានធ្វើការបោះឆ្នោតសម្រេចអនុម័តទៅលើ " សេចក្តីព្រាងច្បាប់ស្តីពីវិសោធនកម្មលើរដ្ឋធម្មនុញ្ញនៃសាធារណរដ្ឋប្រជាមានិតចិន " ដោយមានសំឡេងគាំទ្រច្រើនលើសលុប ។ ជនចិននៅបរទេសនិងអាណិកជនចិនកាន់សញ្ជាតិបរទេសបានបញ្ជាក់ថា ការអនុម័តទៅលើសេចក្តីព្រាងច្បាប់ស្តីពីវិសោធនកម្មលើរដ្ឋធម្មនុញ្ញនេះ បានឆ្លើយតបនឹងតម្រូវការអភិវឌ្ឍន៍ក្នុងយុគសម័យថ្មី និងផ្តល់ការគាំពារយ៉ាងខ្លាំងដល់ប្រជាជាតិចិនក្នុងការសម្រេចសុបិនចិនក្នុងពេលឆាប់ៗ ។ វាមិនគ្រាន់តែបានបង្ហាញឆន្ទៈរបស់ប្រជាជនចិនប៉ុណ្ណោះទេ ថែមទាំងបានឆ្លុះបង្ហាញឲ្យឃើញនូវគោលបំណងរួមរបស់ជនចិននៅបរទេសនិងអាណិកជនចិនកាន់សញ្ជាតិបរទេសផងដែរ ជឿជាក់ថា បុព្វហេតុស្តីពីការស្តារភាពរុងរឿងដ៏មហិមារបស់ប្រជាជាតិចិនច្បាស់ជាទទួលបានភាពជោគជ័យយ៉ាងត្រចះត្រចង់ ។