មហាសន្និបាតលើកទី១នៃសភាតំណាងប្រជាជនទូទាំងប្រទេសចិននីតិកាលទី១៣បានធ្វើសន្និសីទពេញអង្គលើកទី៣នៅទីក្រុងប៉េកាំងនារសៀលថ្ងៃទី១១ខែមីនា ហើយបានបោះឆ្នោតអនុម័តដោយសំឡេងឆ្នោតខ្ពស់ទៅលើសេចក្តីព្រាងច្បាប់ស្តីពីការធ្វើវិសោធនកម្មរដ្ឋធម្មនុញ្ញនៃសាធារណរដ្ឋប្រជាមានិតចិន។រដ្ឋធម្មនុញ្ញត្រូវបានបញ្ចូលខ្លឹមសារថ្មីក្នុងយុគសម័យថ្មីម្តងទៀតបន្ទាប់ពីរយៈពេល១៤ឆ្នាំកន្លងទៅ។ក្នុងសន្និសីទកាសែតពិសេសដែលធ្វើបន្ទាប់ពីសន្និសីទពេញអង្គលើកទី៣ លោកShenChunYaoប្រធាននៃគណៈកម្មាធិការការងារប្រព័ន្ធច្បាប់នៃគណៈកម្មាធិការអចិន្ត្រៃយ៍នៃសភាតំណាងប្រជាជនទូទាំងប្រទេសបានថ្លែងថា ការធ្វើវិសោធនកម្មទៅលើរដ្ឋធម្មនុញ្ញជាព្រឹត្តិការណ៍ដ៏ធំមួយក្នុងជីវភាពនយោបាយប្រទេសចិន ជាសមិទ្ធផលដ៏សំខាន់នៃកិច្ចកសាងនិងការគ្រប់គ្រងតាមច្បាប់ដែលប្រទេសចិនទទួលបានក្រោមបរិបទសង្គមនិយមដែលប្រកបដោយលក្ខណៈពិសេសចិនក្នុងយុគសម័យថ្មី។ការបោះឆ្នោតអនុម័តលើសេចក្តីព្រាងច្បាប់ស្តីពីការធ្វើវិសោធនកម្មរដ្ឋធម្មនុញ្ញ មុខជានឹងជំរុញយ៉ាងខ្លាំងដល់ការជំរុញនិងការធានាការអភិវឌ្ឍនៃភារកិច្ចបក្សកុម្មុយនិស្តចិននិងប្រទេសជាតិ ព្រមទាំងជំរុញនិងបង្កើនកិច្ចកសាងការគ្រប់គ្រងតាមច្បាប់នៃសង្គមនិយមចិន។
