ថ្ងៃទី ១០ ខែមីនា ពេលអញ្ជើញចូលរួមការពិនិត្យពិភាក្សារបស់គណៈប្រតិភូនៃសភាតំណាងប្រជាជនក្រុងឈុងឈីង លោក ស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋចិននិងជាប្រធានគណៈកម្មាធិការយោធាមជ្ឈិមចិនបានចង្អុលបង្ហាញថា ការបង្កើតជាបរិយាកាសនយោបាយប្រកបដោយឥរិយាបថស្អាតស្អំ គឺជាសេចកី្តត្រូវការផ្នែកនយោបាយដើម្បីផ្តោតសំខាន់លើការអនុវត្តគោលនយោបាយ គាំពារយ៉ាងដាច់ខាតនូវកិត្យានុភាពនិងការដឹកនាំជាសមូហភាពរបស់មជ្ឈិមបក្ស គឺជាសេចក្ត្រីត្រូវការជាបន្ទាន់ដើម្បីកែលំអឥរិយាបថត្រួតពិនិត្យវិន័យជាយូរអង្វេង ជំរុញការគ្រប់គ្រងបក្សយ៉ាងតឹងរឹងដោយគ្រប់ជ្រុយជ្រោយមានការអភិវឌ្ឍកាន់តែជ្រាលជ្រៅ ហើយគឺជាការធានាសម្រាប់បង្កើតឥរិយាបថរបស់បក្ស ឥរិយាបថរបស់នយោបាយកាន់តែ ល្អ ប្រសើរ និងធានាជាក់លាក់ឲ្យគៅដៅកំណែទម្រង់និងការអភិវឌ្ឍអាចសម្រេចបានដោយរលួន ។ ត្រូវផ្តោតសំខាន់ទៅលើមន្ត្រីភាគតិចដែលមានតួនាទីសំខាន់ ជំរុញឲ្យអ្នកដឹកនាំនិងកម្មាភិបាលគ្រប់ស្រទាប់ថ្នាក់រ៉ាប់រង់ការទទួលខុសត្រូវរបស់អ្នកដឹកនាំដោយស្ម័គ្រចិត្ត និងដើរតួនាទីជាគំរូ ដើម្បីកកើតជាបាតុភូតិឲ្យមន្ត្រីផ្សេងទៀតរៀនសូត្រពីគេនិងធ្វើតាមគេ ដូចក្ងានព្រៃនាំផ្លូវ ៕