ពេលឆ្លើយតបនឹងសំណួររបស់អ្នកសារព័ត៌មានជប៉ុនក្នុងសន្និសីទកាសែតដែលបើកធ្វើនៅមជ្ឈមណ្ឌលព័ត៌មាននៃមហាសន្និបាតលើកទី១នៃសភាតំណាងប្រជាជនទូទាំងប្រទេសចិននីតិកាលទី១៣កាលពីថ្ងៃទី១១ខែមីនា លោកចុងសានរដ្ឋមន្រ្តីក្រសួងពាណិជ្ជកម្មនៃប្រទេសចិនបានថ្លែងថា កិច្ចសហប្រតិបត្តិការអំពីខ្សែក្រវាត់មួយនិងផ្លូវមួយគឺមានភាពបើកចំហនិងប្រកបដោយបរិយាប័ន្ន ហើយក៏មានតម្លាភាពដែរ ស្វាគមន៍ប្រទេសជប៉ុនចូលរួមកិច្ចសហប្រតិបត្តិការអំពីខ្សែក្រវាត់មួយនិងផ្លូវមួយ។
សូមបញ្ជាក់ថា គំនិតផ្តួចផ្តើមអំពីកិច្ចសហប្រតិបត្តិការខ្សែក្រវាត់មួយនិងផ្លូវមួយទទួលបានការឆ្លើយតបនិងការចូលរួមយ៉ាងសកម្មពីសំណាក់ប្រទេសនិងតំបន់ចំនួនជាង១៤០។នៅថ្ងៃដដែលនោះ អ្នកសារព័ត៌មានជប៉ុនបានថ្លែងថា មជ្ឈដ្ឋានសេដ្ឋកិច្ចជប៉ុនបានយកចិត្តទុកដាក់ដល់គំនិតផ្តួចផ្តើមអំពីកិច្ចសហប្រតិបត្តិការខ្សែក្រវាត់មួយនិងផ្លូវមួយ ពេលកន្លងទៅថ្មីៗនេះ មានសំឡេងកាន់តែច្រើនគាំទ្រជប៉ុនឲ្យចូលរួមគម្រោងអំពីខ្សែក្រវាត់មួយនិងផ្លូវមួយ៕