ព្រឹកថ្ងៃទី១០ខែមីនា លោកលីខឺឈាងនាយករដ្ឋមន្រ្តីចិនបានអញ្ជើញចូលរួមការពិនិត្យពិភាក្សានៃគណៈប្រតិភូតំណាងប្រជាជនខេត្តNingXiaដែលបានចូលរួមមហាសន្និបាតលើកទី១នៃសភាតំណាងប្រជាជនទូទាំងប្រទេសចិននីតិកាលទី១៣។
លោកលីខឺឈាងបានថ្លែងថា ខេត្តNingXiaជាភូមិភាគស្វយ័តជនជាតិភាគតិចដែលស្ថិតនៅភាគខាងលិចប្រទេសចិនដែលទទួលបានសមិទ្ធផលគួរឲ្យចាប់អារម្មណ៍ក្នុងការអភិវឌ្ឍសេដ្ឋកិច្ចនិងសង្គមក្នុងរយៈពេល៥ឆ្នាំកន្លងទៅ។លោកសង្ឃឹមឲ្យខេត្តNingXiaអាចចាត់ទុកគំនិតផ្តួចផ្តើមរបស់លោកស៊ីជីនភីងស្តីពីសង្គមនិយមមានលក្ខណៈពិសេសនៃប្រទេសចិនក្នុងយុគសម័យថ្មីជាសេចក្តីណែនាំ អនុវត្តឲ្យបានល្អនូវការរៀបចំចាត់ចែងស្តីពីការជំរុញការអភិវឌ្ឍនៅតំបន់ភាគខាងលិចនៃមជ្ឈិមបក្សនិងក្រុមប្រឹក្សាកិច្ចការរដ្ឋចិន ដើម្បីបង្កើតទៅជាគំរូក្នុងមហាដីគោកនៃការកែទម្រង់និងបើកចំហ ធ្វើឲ្យស៊ីជម្រៅនូវកំណែទម្រង់និងកែលម្អបរិយាកាសពាណិជ្ជកម្ម ផ្តល់ភាពងាយស្រួលកាន់តែច្រើនដល់ប្រជាជន។ហើយជំរុញកំណែទម្រង់ចំពោះរចនាសម្ព័ន្ធផ្នែកផ្គត់ផ្គង់ អភិវឌ្ឍផលិតកម្មដ៏ជឿនលឿន ដើម្បីពូនជ្រំកម្លាំងចលករថ្មីឥតឈប់ឈរ៕